Con 183.000 euros do Plan de Recuperación o Concello levará a cabo o futuro Museo de Antonio Fraguas, “Forges”, co que A Fonsagrada recoñece a este artista gráfico tan vencellado á localidade
A Fonsagrada, 11 de marzo de 2023. A subdelegada do Goberno en Lugo, Isabel Rodríguez, exemplificou hoxe na Fonsagrada “o compromiso do Goberno de España co municipalismo, cos concellos pequenos, en definitiva, co rural. Destinando recursos a proxectos como este que son un antes e un despois para o pobo, ofrecendo un novo servizo aos veciños e veciñas, e loitando contra o reto demográfico”. A subdelegada destacou que grazas aos fondos do Plan de Recuperación o Concello levará a cabo o futuro Museo de Antonio Fraguas, “Forges”, co que A Fonsagrada recoñece a este artista gráfico tan vencellado á localidade. Trátase dunha axuda de 183.000 euros do Programa PIREP Local, xestionado polo Ministerio de Transportes, Mobilidade e Axenda Urbana.
A subdelegada, que participou esta mañá na xornada de presentación do centro museístico, felicitou ao alcalde da Fonsagrada, Carlos López, e ao seu equipo de Goberno, “por impulsar este proxecto tan bonito, que reflicte a sensibilidade e o agarimo dos fonsagradinos a Forges, e co que a cidadanía gañará un novo espazo para a dinamización cultural da localidade”. “Grazas ao voso esforzo, determinación e bo facer, A Fonsagrada contará co primeiro centro en toda España dedicado en exclusiva ao gran debuxante”, engadiu.
Igualmente, Isabel Rodríguez agradeceu a xenerosidade da familia de Antonio Fraguas por ceder parte da colección do artista, desde viñetas, a fotografías, pasando por libros, plumas e mobiliario, entre outros obxectos. “Unha parte do seu legado, testemuño histórico e inimitable do noso país”, apuntou.
Neste senso, a subdelegada recoñeceu que Forges “era un personaxe que formaba parte de todos nós, entrando nas nosas casas coas súas inesquecibles viñetas, contando como ninguén a realidade española e o sentir da poboación, dunha maneira sinxela, irónica e sutil, pero cargada de crítica e reflexión profunda”.
Na súa intervención, afirmou que este novo centro cultural supoñerá un auténtico revulsivo para o turismo e a economía desta zona da Montaña Lucense. “Unha oportunidade para que os turistas veñan a Fonsagrada e coñezan as súas paisaxes únicas, a súa gastronomía, os seus costumes e, sobre todo, a hospitalidade da súa xente”, subliñou Isabel Rodríguez.
“Como dicía o mestre nunha das súas viñetas: “A Fonsagrada a gran esquecida”. Hoxe damos un paso máis para reverter esta situación, reivindicando esta rexión da montaña lucense”, rematou.
No acto, ademais da subdelegada e o alcalde, tamén participaron os fillos de Forges, Berta, Antonio e Micaela; a directora do Museo Provincial de Lugo, Aurelia Balseiro; o presidente do Museo Comarcal da Fonsagrada, Xoan Xosé Molina; e os arquitectos do proxecto, Adrián López e Daniel Gómez, así como numerosos veciños e veciñas.
Actuacións previstas no edificio
O edificio albergará non só o centro cultural de Forges con viñetas, debuxos, fotografías, libros e diferente material do aclamado artista gráfico, senón tamén a nova Oficina de Turismo, un salón de actos e diferentes espazos para usos municipais. Para iso, cos fondos do Goberno, o Concello da Fonsagrada levará a cabo traballos de consolidación e reforzo da estrutura do edificio, dotación de illamento térmico e renovación da carpintería. A intervención máis importante realizarase na parte traseira do edificio, onde se recuperará o patio histórico, cun sistema activo de control ambiental mediante a implantación dun patio-invernadero que permita a regulación da entrada de luz e a ventilación. Ademais, substituirase a antiga caldeira de gasoil por un sistema combinado de xeración fotovoltaica e caldera de biomasa. A obra ten que estar rematada antes de finais de setembro de 2024.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
