Os populares cren que o presidente, José Tomé, incorre nunha “ofensa aos veciños destas localidades que levan catro anos esperando que se faga algo, porque o único que se fixo foi poñer un cartel e facer propaganda”
Lugo, 28 de marzo de 2023. O grupo provincial do PP chegou ao pleno que hoxe celebra a Deputación coa esperanza de que o bigoberno apoie a súa moción para instar ao Goberno central a axilizar as obras da autovía A-6, así como a súa proposta en relación coas demandas dos bombeiros do Consorcio provincial. E tamén entrou ao salón de plenos lamentando, unha vez máis, a negativa do goberno provincial a ampliar o Plan Único, que leva varios anos conxelado, e convencido de que as addendas propostas por socialistas e nacionalistas para os convenios para varias residencias son só unha cortina de fume máis.
O portavoz popular, Javier Castiñeira, expresou, ao chegar á Deputación a felicitación do grupo provincial do PP a José Miñones, ata agora delegado do Goberno en Galicia, polo seu nomeamento como ministro de Sanidad. Castiñeira sinala que no PP saben “que Miñones coñece perfectamente a provincia de Lugo e cales son os problemas”. Engade: “Estivo aquí cando caeron as pontes e non se deron boas solucións para as mesmas e sigue habendo problemas de tráfico na A-6, incluso con accidentes, dos que el e consciente; veu aquí cando se produciu o afundimento na N-642, que tivo cortada a conexión coa Mariña durante dous días e a día de hoxe segue sen unha solución definitiva”. Na mesma liña, lembrou que Miñones “sabe os problemas que se ocasionaron á industria lucense, a Alcoa e a outras empresas importantes, que sofren esta crise enerxética, da que el é un dos responsables; tamén coñece os problemas que teñen os nosos gandeiros co lobo e cos custes de produción e sabe perfectamente das dificultades dos nosos mariñeiros, que non se solucionaron por falta de política pesqueira en Europa”.
En canto á sesión plenaria, o portavoz popular indicou: “A este pleno traemos mocións que cremos que son importantes para a provincia e nas que podería traballar no Consello de Ministros o señor Miñones, como é acelerar a reconstrución simultánea, por vía de urxencia, dos viadutos da A-6, porque senón vaise facer interminable”.
Os populares piden ao presidente da Deputación, José Tomé, “que non faga de Miñones, que mire pola provincia”. Explican: “Cremos que neste pleno vén case que a rirse dos lucenses, porque as propostas que trae de addendas para os convenios das residencias de Pobra do Brollón, de Cervantes e de Ourol son unha ofensa aos veciños destas localidades que levan catro anos esperando que se faga algo, porque o único que se fixo foi poñer un cartel e facer propaganda”. Consideran que “estas addendas son unha cortina de fume máis das que nos ten acostumados o señor Tomé para antes das eleccións, pero a xente do rural é intelixente, os lucenses son intelixentes, e non se van deixar embaucar por estas trapalladas políticas que nos trae no día de hoxe o señor Tomé”.
En canto ao Plan Único, Castiñeira lembrou que ”está conxelado, e debido a iso os concellos, os alcaldes, tiveron que facer auténticas virguerías, porque con menos cartos van poder facer menos obras; coa proposta do PP de dotar con cinco millóns máis ao Plan Único 2023, hoxe traerían arredor de 400 obras e así van presentar 332 obras”. Puxo de manifesto que “os alcaldes fixeron un grandísimo traballo; tiveron que priorizar moitísimo e deixaron no tinteiro moitas obras que deberían facerse agora, ao final da lexislatura”. Castiñeira felicita aos alcaldes polo traballo feito; tamén aos técnicos municipais e os da Deputación, porque grazas ao seu traballo se aproba hoxe o Plan Único, “que aínda que é moi insuficiente virá moi ben a todos os concellos da provincia”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
