Os populares queren coñecer que medidas concretas hai en execución para posibilitar que a Unión Europea inclúa a Lugo no corredor atlántico de mercadoría
Lugo, 16 de marzo de 2023. A provincia de Lugo sofre as consecuencias do corte da A-6 debido ao afundimento do viaduto do Castro e o transporte por ferrocarril está condicionado polas obras en execución nas vías dende Ourense e pola inacabable demora da chegada de alta velocidade. Se no transporte de viaxeiros a situación da provincia é gravemente deficitaria na conexión coa Meseta, en canto ao transporte de mercancías non é mellor. E por se a actual situación non fóra abondo mala, Lugo queda fora do proxecto do chamado corredor atlántico de mercadorías por ferrocarril. Os senadores populares presentan unha batería de preguntas ao Goberno, na que lembran que Isabel Pardo de Vera indicou o outono pasado, cando aínda era Secretaría de Estado de Trasporte, Movilidad y Agenda Urbana, que había posibilidades de que as mercadorías dos portos de Ferrol e A Coruña tivesen saída e entrada ferroviaria a través da terminal de mercadorías de Lugo e o Porto Seco de Monforte; é dicir, que a provincia de Lugo sería incluída no corredor de mercadorías e formaría parte dese gran nó loxístico internacional.
Rosa Arza, José Manuel Barreiro e Manuel Lorenzo Varela destacan que, pese ao dito por Pardo de Vera, no proxecto presentado en Galicia en marzo de 2023 o Goberno volve deixar fóra do corredor atlántico de mercadorías á provincia de Lugo.
Os senadores populares queren saber por que o proxecto presentado polo Goberno en marzo de 2023 exclúe a Lugo do corredor atlántico de mercadorías. Preguntan se o Executivo presidido por Pedro Sánchez é consciente dos graves prexuízos que ocasionará para o desenvolvemento económico e social da provincia se non é incluída nese corredor.
Barreiro, Arza e Manuel Lorenzo Varela preguntan se o Ministerio de Transportes traballa para que a conexión de Lugo sexa unha das novas liñas nos corredores ferroviarios permitidas pola Comisión Europea. Interésanse por coñecer que medidas concretas están en execución para posibilitar que a Unión Europea inclúa a Lugo no corredor atlántico de mercadorías.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
