Foz, 24 de abril de 2023. Foz acollerá actividades do programa Rede Paraugas Alzheimer para crear un grupo de axuda mutua para familiares de persoas con demencia. Empezarán este xoves, día 27 de abril, e desenvolveranse na Casa da Cultura de 17 a 19 horas.
A Delegación de Servizos Sociais do Concello de Foz colabora con AFAN de Burela “para levar a cabo un programa Rede Paraguas Alzheimer Rural no noso concello. Vai dirixido fundamentalmente a coidadores non profesionais que atenden a familiares que sofren algunha demencia ou deterioro cognitivo no rural. Está promovido pola Fundación Barrié e a Federación de Alzheimer de Galicia”, explica a concelleira Ana Rojo.
A edil de Servizos Sociais engade que “o Concello de Foz, a través de AFAN, quere impulsar este tipo de programas co obxectivo de dar apoio e crear unidades de respiro os coidadores, buscando estratexias para abordar e afrontar estes trastornos e doenzas que teñen os doentes no seu día a día e as súas familias e formando grupos de axuda mutua para familiares coidadores non profesionais cuns obxectivos específicos: achegarse de maneira personalizada ás familias para identificar as súas necesidades; poñer en marcha propostas de atención ás persoas con demencia ou nos inicios da enfermidade e as súas familias; colaborar e crear vínculos por parte do noso Concello con este tipo de asociacións (AFAN), que contan con profesionais acreditados neste tipo de enfermidades para crear unidades de respiro ás familias e grupos de axuda mutua formados por persoas coidadoras de usuarios con diversas demencias, Alzheimer, deterioro cognitivo ou fronto temporal, etcétera”.
Estas actividades desenvolveranse de forma presencial para coñecer de primeira man as dificultades e necesidades dos participantes e poder abordar un plan de traballo, de reunión e acompañamento mensual do grupo. Coordinará o profesional que sexa necesario en cada caso ou nese momento (psicólogo sanitario ou terapeuta ocupacional). Estas sesións levaranse a cabo de maneira grupal cun máximo de 12 persoas.
O programa impartiranse na Casa da Cultura de Foz en horario de 17 a 19 horas. As actividades desenvolveranse os días 27 de abril, 10 e 24 de maio e 8 e 28 de xuño durante cinco sesións nas que se ofrecerá formación, se resolverán dúbidas e inquedanzas dos participantes, buscando solucións adecuadas segundo as propias experiencias das persoas coidadoras.
Para anotarse ou calquera aclaración ó respecto os teléfonos de contacto son o 982.133.566, do Departamento de Servizos Sociais do Concello de Foz (en horario de mañá) ou no teléfono 982.580.610, da asociación AFAN.
A participación e totalmente gratuíta para tod@s @s que cumpran os requisitos de ser coidadores non profesionais de persoas demenciadas ou que consideren que poden estar nos inicios destas doenzas.
“Esperamos e animamos ás familias a participar deste programa totalmente gratuíto pensado para optimizar a vida do enfermo e poder dar solucións para un menor impacto na carga de traballo dos coidadores e coidadoras”, rematou Ana Rojo.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
