Rosa Quintana salienta que a pesca ten futuro se non se lle poñen atrancos innecesarios e que a frota galega está perfectamente dimensionada como demostra o feito de que a maioría dos caladoiros nos que faena se atopan en bo estado biolóxico
Burela, 10 de maio de 2023. A conselleira do Mar, Rosa Quintana, presidiu hoxe un pleno do Consello Galego de Pesca no que se constatou a necesidade de actuar desde todas as frontes -política, diplomática, social ou xudicial- para frear os plans de Bruxelas de restrinxir a pesca en augas comunitarias de xeito totalmente arbitrario, poñendo en marcha distintas estratexias para a protección dos ecosistemas pero sen informes científicos que xustifiquen esas limitacións á actividade extractiva.
A titular de Mar salientou que a deriva medioambientalista que está a tomar o Executivo comunitario nas súas políticas pon en risco o futuro dun sector que é vital para a economía das zonas costeiras de Galicia e que por iso é importante trasladar á Comisión Europea unha imaxe de unidade desde todos os estamentos. Con ese obxectivo, incidiu, Galicia vai seguir apoiando ao Goberno central na defensa dos intereses da frota galega e na busca de aliados noutros países con importantes frotas pesqueiras para exixir a Bruxelas que rectifique un xeito de actuar que considera inaceptable.
O pleno do Consello Galego de Pesca, que se celebrou en Burela coincidindo coas XXX Xornadas Técnicas Expomar, o XXIV Encontro Empresarial e a XIX Feira Monográfica Náutico-Pesqueira, avaliou as consecuencias do veto á pesca de fondo aprobado a finais do ano pasado en 87 zonas de augas comunitarias e a previsión de ampliar ata un 50% esas áreas protexidas na súa próxima revisión.
A representante do Executivo galego lembrou que esa primeira prohibición entrou en vigor en 2022 en base a datos parciais -unicamente do arrastre-, desactualizados e sen unha mínima análise de impacto socioeconómico, o que levou a despropósitos e incongruencias como a inclusión nese veto do palangre de fondo, unha das artes máis selectivas e respectuosas co medio ambiente que existen.
Rosa Quintana asegurou que é preciso realizar un intenso labor a todos os niveis para evitar que se repitan barbaridades coma esta e corrixir eivas nas que incide o último informe elaborado polos científicos do Consello Internacional para a Exploración do Mar (CIEM) de cara á revisión das zonas vetadas á pesca de fondo. Nel, lamentou, volven terse en conta unicamente datos do arrastre dos anos 2009-2011, polo que a situación desde entón puido ter variado moito.
Por iso, a conselleira incidiu na importancia de facer presión para que Bruxelas actúe coa máxima rigorosidade e, cando presente a súa proposta de revisión do veto á pesca de fondo, exclúa o palangre desas restricións e realice os correspondentes estudos de impacto socioeconómico.
Dificultades da frota
Os distintos representantes do complexo mar-industria de Galicia presentes no Consello Galego de Pesca coincidiron na transcendencia de frear as propostas de marcado carácter medioambientalista presentadas por Bruxelas e lamentaron que a maioría dos pasos dados pola Comisión Europea nos últimos tempos contribúen a dificultar aínda máis a actividade da frota. Entre elas, destacaron os plans para prohibir a pesca de arrastre nas zonas protexidas a partir de 2030 e xa desde 2024 no 20% das augas de cada estado membro.
Neste sentido, a titular de Mar defendeu que calquera medida deste calado debería aplicarse de xeito gradual para evitar un impacto negativo na frota tanto pola redución das zonas de traballo -coa conseguinte concentración de buques nos mesmos caladoiros- como pola sobreexplotación das pesqueiras que quedan dispoñibles.
Este tipo de limitacións á actividade, advertiu Rosa Quintana, obrigarían a unha reestruturación da frota galega e europea totalmente inxustificada nun momento no que está perfectamente dimensionada. Boa mostra diso é, recalcou, que a maioría de especies que captura a frota galega se atopan no rendemento máximo sustentable (RMS), o nivel óptimo de capturas que garante a continuidade da actividade extractiva a longo prazo.
Nesta liña, a conselleira subliñou que a pesca ten futuro se as autoridades europeas llo permiten e, en vez de poñerlle atrancos inxustificados, comezan a traballar seriamente para atopar resposta a algúns dos seus principais desafíos, como a remuda xeracional ou a transición enerxética da frota.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
