Campos Conde concorre a estas eleccións municipais “con máis ilusión ca nunca” e co respaldo dun equipo consolidado que “levamos traballando moitos anos xuntos, o que nos dá unha gran experiencia de xestión”
A Pontenova, 17 de maio de 2023. O candidato do PSdeG-PSOE e Alcalde da Pontenova, Darío Campos Conde, aspira á reelección na vindeira cita electoral do 28 de maio, “para seguir facendo proxectos que cambien para mellor a vida dos nosos veciños e veciñas, entre eles, abrir o novo Centro de Atención a Maiores que dará resposta a unha das necesidades sociais máis grandes que temos hoxe na localidade”.
Así o manifestou ante unha Casa da Cultura chea de veciños e veciñas que acudiron a este encontro socialista celebrado este mércores á noite no que, xunto ao Alcalde, participaron a Deputada no Parlamento de Galicia Patricia Otero e a primeira Tenente de Alcalde da Pontenova, Isabel Couto, que repite como número dous na candidatura socialista da localidade.
Campos explicou que a residencia pública que está construíndo a Deputación en colaboración co Concello na Chousa de Abaixo de Vilaoudriz, “quedará rematada nun ano”. Puxo o foco en que funcionará seguindo un modelo propio que ten a institución provincial, que radica en ser centros de pequeno tamaño e cunha atención de alta calidade moi próxima á xente. “Queremos que as nosas persoas maiores queden a vivir preto da casa e dos seus veciños, evitando ante todo que teñan que marchar lonxe de aquí, e a maiores, esta residencia creará novos postos de traballo na Pontenova”.
Restaurar a Ferrería de Bogo
Entre as súas prioridades para o próximo mandato atópase a restauración da Ferrería de Bogo, “que está practicamente caendo e vaina comprar o Concello para restaurala”. “Será un dos nosos obxectivos para seguir fomentando un turismo de calidade, como fixemos, por exemplo, coa Tirolina das Minas”, engade.
Tamén se marca entre os seus propósitos continuar mellorando as vías de comunicación, agardando no vindeiro ano contar con banda ancha en todo o termo municipal, o que será “un reclamo para que a xente poida teletraballar con mellores condicións e o que axudará ao asentamento de novas empresas e a fixar poboación no territorio”.
Outro dos eixos será continuar renovando os accesos, o saneamento municipal, a construción de depósitos de auga en Dodrín e Foxas, ademais da substitución do alumeado municipal por luminarias led, entre outros novos servizos para as parroquias do municipio.
Unha Pontenova mellor
Darío Campos leva á fronte do Goberno da Pontenova dende o ano 2007 e dende entón o concello “cambiou moito, fíxose un cambio na fisionomía do pobo en moitos sentidos e hoxe presenta unha imaxe renovada, con beirarrúas renovadas, vías de comunicación novas e moitos proxectos realizados que melloran o día a día dos veciños e veciñas”.
“Ao longo destes 16 anos tivemos a oportunidade de priorizar novos proxectos que contribuíron a realzar a nosa vila, como por exemplo o acondicionamento do encauzamento do río e as obras na Praza dos Fornos, así como o impulso doutros recursos educativos e culturais, como a Escola de Música e a de Teatro, e tamén, a posta en marcha do PAI, pero aínda nos quedan moitas propostas que realizar. Por iso, queremos seguir camiñando nesta senda de crecemento”, subliñou.
Campos afirmou que conta con novas ideas, que levará á práctica cun “bo equipo, o mellor, que xa está consolidado e que levamos traballando moitos anos xuntos, o que nos dá unha gran experiencia de xestión”. “O máis importante é que estamos con máis ilusión ca nunca por facer que A Pontenova avance”, manifestou o socialista.
Candidatura socialista da Pontenova ás eleccións municipais
A lista electoral do PSdeG na Pontenova está formada polos seguintes candidatos e candidatas:
1. Darío Campos Conde
2. Isabel Couto González
3. Francisco Martínez Bermúdez
4. Manuel Alonso López
5. Francisco Javier Rois Freijo
6. Jesús Cabodevila Fernández
7. María José Canto Seijo
8. Ana Belén Quintela López
9. José María Fernández Navais
10. Eliseo Villarino Méndez
11. Justo Maseda Fernández
Suplentes: José Ramón Uria Alonso, David García Miranda e Carlos Traviesas Sampedro.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
