Ribadeo, 10 de maio de 2023. O alcalde, Fernando Suárez, critica a falta de apoio da Xunta en materia sanitaria e de servizos sociais. O Concello concertou onte mesmo un préstamo de 900.000 euros para sumarllos á herdanza do doutor Francisco Moreda e así afrontar as obras de modernización do Hospital Asilo. O rexedor acusa “a esa xente que quere levar o timón de Ribadeo” de desprezar á veciñanza e de tratala como se fosen veciñas e veciños de segunda. Suárez Barcia lembra que a Xunta non deu nin un so euro para a nova residencia de maiores ao igual que está a facer agora co Hospital Asilo.
Suárez Barcia declarou: “como se nota que están as eleccións á volta da esquina. Pero agora non é tempo de predicar. Agora é tempo de render contas. E as contas están claras. Vexo que anda dicindo este compañeiro de oposición que o Concello non aporta os terreos do centro de saúde. Alguén que se chufa moito de ser deputado debera ser un pouco mais instruído en asuntos básicos. Os terreos que o Concello se comprometeu a expropiar para dárllelos á Xunta requiren a modificación previa do Plan Xeral. Precisamente nestes días está en exposición pública o proxecto de modificación, despois de que o aprobara o Pleno”.
O alcalde ribadense manifestou: “as cousas complexas levan o seu tempo e os seus prazos, se non se quere que todo sexa unha zarapallada. Entrementres debería dicirlle á Consellaría de Sanidade que reforce os ratios de médicos e de mellora da atención primaria”.
O rexedor dixo esta mañá: “pero o que vemos imperdoable é a actitude da Xunta con Ribadeo en materia de servizos sociais unha vez mais. Fixemos unha residencia nova hai varios anos e non deron un peso. Non deron mais que mareos e dores de cabeza”.
Fernando Suárez subliñou que “agora imos renovar outra, e non deron un peso. Onte mesmo acabamos de concertar un préstamo por 900.000 euros para sumarllos á herdanza de Francisco Moreda para poder financiar as obras de 1.600.000€ que custa modernizar o hospital asilo. E logo de todas as palabras, as promesas, os esbardalles, despois de todo…. pois nada. Nada de nada. Isto si que é unha humillación para Ribadeo. E esta xente quere levar o timón de Ribadeo desprezando así aos veciños e ás veciñas de Ribadeo como se fosen veciños de segunda. Están amañados”.
E reiterou que “con todo, e como sempre dixemos, os que estivemos e estamos hoxe e os que continuarán mañá…..Ribadeo terá dúas residencias públicas, para os de aquí e a prezos asumibles, con ou sen apoio da Xunta”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
