As prazas son limitadas, o prazo para anotarse finaliza o xoves 29 de xuño
Burela, 13 de xaneiro, 2023. A rapazada de Burela contará este verán cun curso de teatro na súa vila. O actor e profesor de teatro Daniel Otero ofrecerá formación teatral durante os meses de xullo e agosto no centro social Xebra! (Leandro Cucurni, 9). A iniciativa parte do estudo teatral coruñés Casahamlet, fundado polo laureado dramaturgo valadourés Manuel Lourenzo e Santiago Fernández.
As sesións serán nas mañás dos sábados e durarán dúas horas. Ademais, organizaranse dous grupos en función da idade: un para crianzas (de 7 a 12 anos) e outro para adolescentes (de 12 a 17 anos). O curso, explica Otero, convida o alumnado a xogar coa imaxinación e a creatividade “a través da participación creativa co grupo”. Cuestións como a improvisación, a expresión corporal, o uso da voz ou a escoita en escena son algunhas das ferramentas que achegará o docente para aproximar a profesión actoral á xente máis nova.
As prazas para o curso son limitadas, polo que as persoas interesadas en participar poden inscribirse antes do xoves 29 de xuño a través do enderezo electrónico dani.otero1993@gmail.com ou do teléfono 661 06 29 84.
Daniel Otero (Nois, 1993) é un actor titulado en interpretación polo Estudio Teatral Casahamlet. Ampliou a súa formación actoral con profesionais do sector como Jorge Coira, Alfonso Zarauza, Fernando Tato ou Manuel Lourenzo, con quen ten traballado no grupo Elsinor Teatro.
No eido audiovisual ten participado na webserie ‘Terapia de’ (finalista a mellor webserie nos últimos premios Mestre Mateo) e nas series ‘Vivir sin permiso’, ‘O sabor das margaridas’ ou ‘Método criminal’. Actualmente, o intérprete –afincado na Coruña– compaxina o seu traballo interpretativo coa docencia en interpretación enfocada a crianzas e adolescentes.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
