Carme Aira criticou o pago de taxas por un servizo que non se aplica e que dificulta o acceso á formación universitaria
Santiago de Compostela, 21 de xuño, 2023. A deputada do BNG, Carme Aira lamentou que os votos en contra do Partido popular á proposta nacionalista reclamando o “mesmo trato” para A Rúa, Vieiro e Cee na celebración das probas da ABAU impediran que prospera a proposta nacionalista.
Para a deputada, o PP volve a poñer impedimentos para facilitar a comunicación da mocidade aos núcleos onde se celebran as probas. Con esta postura, dixo, o Partido popular persista en “discriminar” aos mozos e mozas que viven en comarcas periféricas e illadas poñendo en risco o servizo de transporte por falta de aportación orzamentaria dos concellos e a pesar de ter aboado “as taxas” á consellería de Educación.
As probas de selectividade, agora ABAU, explicou Carme Aira, afectan a case 13.000 rapazas e rapaces ao ano e celébranse nas cidades galegas con Campus Universitario, pero tamén se realizan nos concellos de A Rúa, Viveiro e Cee dende finais dos anos 80, debido á súa lonxanía e dificultade de transporte cara os núcleos onde se realizan os exames. Sen embargo, ao longo deste tempo non houbo melloras nos medios de comunicación terrestre, unha das principais maneiras de garantir a igualdade de acceso á formación universitaria do alumado que estuda máis alonxado das cidades.
A celebración das probas da ABAU conlevan custes dos “exiguos orzamentos” cos que contan os concellos e a xuízo da nacionalista, a Xunta debería “conveniar” coas entidades locais os custes da descentralización das probas selectivas.
Nesta liña, explicou que se comparamos o concello de A Rúa, con 4.000 habitantes, fronte a Cee con 7.500 ou viveiro con máis de 15.000, este concello conta cun orzamento de 3M€ mentres CEE o duplica e Viveiro sitúase en catro 4 veces máis. O custe das probas pode alcanzar os 13.000 euros anuais e durante os anos da descentralización resulta unha importante cantidade para os tres concellos.
Cerca de 500 persoas aspiran ás probas de acceso á universidade e afectadas por estudar na “periferia”. Este alumnado, está lonxe e sen medios de transporte, e estas dúas circunstancias merman a posibilidade de escolla de determinadas materias ou especialización pola falta de profesorado que as impartan ou por insuficiencia de demanda.
“As feblezas do rural”, recalcou a nacionalsita,precisan apoio efectivo por parte das administracións da Xunta de Galiza sendo imprescindible que garantan a igualdade de oportunidades para o alumnado destes lugares e que teñen dificultades para achegarse aos campus onde se celebra a ABAU e no caso de acudir as familias debe asumir un incremento do gasto ao estaren obrigados a trasladarse o día anterior e pernoctar durante os días da proba.
Por outra parte, ademais dos gastos para as familias, as dificultades para pais e nais en plena vida laboral son “insalvables” dado que moi poucas empresas teñen permisos para este tipo de necesidades.
Dende o BNG seguiremos “reclamamos a proximidade” para as probas de acceso á universidade como un dereito en igualdade para os mozos e mozas galegas que viven nestas comarcas periféricas e illadas así como a implicación do goberno da Xunta para non poñer en risco a continuidade do servizo por falta de aportación orzamentaria dos concellos.
Asemade, seguiremos reclamando á Consellaría de Educación, Cultura e Universidades que “non se externalicen responsabilidades que restan oportunidades de igualdade para ás persoas xóvenes”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
