Ribadeo, 7 de xullo de 2023. O VIII Ribadeo Indiano da comezo esta tarde no Teatro ás 19:00 horas co acto de presentación e co pregón que pronunciará o escritor e xornalista Santiago Jaureguizar. Logo terá lugar unha amenizada actuación musical con los Jimaguas.
Como é tradición para as oito está prevista a baixada ao porto na compaña do Cuarteto Tradicional Illa Pancha, xa en Porcillán será a benvida os queridos indianos. Alí mesmo actuará o grupo Son Bolero. O Coro Crecente de Conxo, La Malquerda e Escolma de Meus amenizarán a subida desde o peirao ata vila polas Escaleiras Martínez, o Patín e a Fonte dos Catro Canos. A xornada rematará coas actuacións de Los Jimaguas e Río Cumbia no Campo de San Francisco.
O concelleira de Turismo, Marta Saiz, dixo que “o programa do Ribadeo Indiano 2023 é amplo e variado. Durante tres días poderemos gozar dun grande abano de actividades para todos os públicos. Pero hoxe gustaríame centrarme no apartado musical para convidar a todo o mundo a que se acheguen o sábado pola noite ao parque de San Francisco a bailar ao ritmo do Septeto Santiaguero”.
A edil ribadense contou que “na actualidade este grupo é un dos expoñentes más importantes da música tradicional cubana. Son grandes referentes en conseguir traspasar fronteiras coa súa música natal. Teñen editados 10 discos. Posúen dous premios Grammy Latinos. E agora mesmo atópanse de xira por Europa na que visitan 9 países: España, Francia, Suecia, Alemaña, Polonia, Chipre, Portugal, Holanda e Bélxica. E imos ter a sorte de poder escoitar ao Septeto Santiaguero en Ribadeo este sábado a partir das once e media da noite”.
Saiz subliñou: “e hai que lembrar que o Ribadeo Indiano contará coa actuación do grande Eliades Ochoa, toda unha lenda da música cubana. Iso será o domingo ás oito e media da tarde no barrio de San Roque. Este artista é considerado un dos soneros cubanos máis importantes de todos os tempos, é un notable defensor da música tradicional cubana e o mellor guitarrista da súa xeración. Nos anos 80 participou xunto a Compay Segundo e ao Cuarteto Patria en varias xiras artísticas e con el gravou a primeira versión do coñecido Chan Chan”.
A concelleira de Turismo e Comercio engadiu que “Eliades Ochoa é unha das estrelas do Buena Vista Social Club. Conta con varios Grammy Latinos e colaborou en producións discográficas con Enrique Bunbury, Luis Eduardo Aute, Armando Manzanero, Pablo Milanés, entre moitos outros, e tamén foi seleccionado para participar no disco homenaxe a Bob Dylan”.
Marta Saiz convida a participar no Ribadeo Indiano 2023: “desde o Concello queremos convidarvos a gozar da música que atoparedes en cada recuncho da nosa vila. Neste importante evento contaremos coa actuación de formacións do noso pobo como a Banda Municipal de Música, o cuarteto Illa Pancha, Amigos da Gaita ou a Coral Polifónica de Ribadeo, entre outros, aos que lles queremos agradecer unha vez máis a súa implicación. Por aquí pasarán La Trova Coruñesa, Los Jimaguas, Son Bolero e moitos máis coa intención de trasladarnos no tempo a finais do século XVIII e principios do XIX”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
