Foz, 3 de xullo de 2023. O Concello e a asociación O Noso Foz veñen de presentar a programación cultural de xullo e en especial para as Festas do Carme.
“O verán chega a Foz e comeza a programación especial desta tempada na que colaboran a comisión de festas O Noso Foz e o Concello. A comisión de festas O Noso Foz renóvase coa incorporación de xuventude e veteranía, pero sobre todo con moita ilusión e presenta a programación para as Festas do Carme, que se desenvolverán desde o 12 ata o 16 de xullo”, así o anunciaron a nova presidenta do colectivo, Fátima Novo, e os concelleiros Inés López Couto e Ángel Fernández Neira” .
Ángel Fernández, novo concelleiro en Foz, deixa o testigo da Asociación nas mans de Fátima Novo, que “asume a presidencia con ganas”, confirma o edil. O grupo fórmano Erea Ben, Suso Pérez, Atilano Fernández e Estefanía Otero e complétano as novas incorporacións: Suso Hermida, Álvaro Morís e José García. Únese veteranía e xuventude nunha comisión de festas que traballará con moito entusiasmo. “Desde a asociación queremos agradecerlle a Ángel Fernández a confianza depositada en nós para seguir traballando e construíndo eventos para o Concello, tanto para os máis novos como para os máis maiores, e queremos desexarlle a maior das sortes nesta nova etapa, seguiremos traballando con el codo con codo, sen ningunha dúbida”, indica a presidenta da comisión, Fátima Novo.
As Festas do Carme comezan o mércores día 12 co festival Coa Nosa Fala organizado polo Concello, que “contará coa actuación de Abril e de Catuxa Salom, a partir das 22:00 horas no parque Rosalía de Castro”, anuncia a concelleira Inés López, que continúa comentando: “este ano quixemos que A nosa Fala fora feminina é que as voces que escoitemos poñendo en valor a nosa música e a nosa lingua sexan ás de mulleres”. O xoves 13 ás 20:30 horas “será o pregón do Carme a cargo de Antonio Ares, mariñeiro xubilado e devoto da Virxe do Carme, na Igrexa Parroquial de Foz; e a continuación, ás 23 horas terá lugar o concerto de Pantera Rosa no Campo da Cabana”, anuncia Ángel Fernández. O venres 14 haberá verbena a cargo da Orquesta La Ola ADN e de Grupo D’Cano; o sábado 15, sesión vermú a cargo da Orquesta Magos, ao longo da tarde noite elaboraranse as alfombras florais na honra da Virxe do Carme e desde as 23 horas haberá verbena amenizada por Orquesta Magos e La Oca Band. O domingo 16 é o día grande e ás 12 horas comeza a misa na honra da Virxe do Carme cantada por Mar Aberto na Praza Conde de Fontao, con posterior ofrenda floral e procesión. A sesión vermú estará amenizada polo Grupo Platinum, que actuará de noite xunto coa Orquesta Los Players. O luns 17 será o día infantil das Festas do Carme e haberá inchables e obradoiros gratuítos para os máis pequenos na Praza Conde de Fontao de 18 a 21:30 horas.
O alcalde de Foz, Fran Cajoto, agradece “o gran traballo da comisión de festas e de todos aqueles que se involucran na organización das festas patronais de Foz, como a Cofradía Virxe do Carme. Continuaremos traballando codo a codo para que o verán de todo o concello de Foz sexa o elixido para desfrutar do tempo libre e do noso comercio e hostalería”.
A comisión de festas agradécelle ao Concello de Foz “a súa inestimable e imprescindible colaboración en todos os actos que se van desenvolver ao longo de todo o verán”.
Todos aqueles que queiran colaborar no deseño, traballo cos materiais e creación das alfombras florais poderán apuntarse chamando ao teléfono 982.140.027, extensión 3. A partir do martes 4, comezarase a traballar na pista exterior da Sala Bahía, que se habilitará para o tintado e corte de flores e outras preparación de materiais.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
