Coa oficina móbil, a Deputación reforza a actividade que xa se vén desenvolvendo no marco deste proxecto dende hai seis meses co traballo de 7 axentes dixitais que se moven polas diferentes comarcas e coas oficinas abertas nos concellos de Viveiro, Lugo, A Fonsagrada, Láncara, Monforte e Vilalba. Xa atenderon a máis de 1.200 empresas
Lugo, 13 de setembro de 2023. O Presidente da Deputación de Lugo, José Tomé Roca, anunciou este mércores a posta en marcha da oficina móbil do programa Acelera PEMES, unha medida que reforzará o asesoramento gratuíto en materia de transformación dixital que vén ofrecendo a institución provincial dende hai seis meses a empresas e autónomos da provincia a través deste proxecto, que impulsa en colaboración co Goberno do Estado.
A oficina móbil arranca hoxe mesmo o seu percorrido na Mariña, prestando servizo a empresas e autónomos do Valadouro, Lourenzá e Mondoñedo, e continuará a súa actividade ata finais de novembro. Este vehículo aliméntase de placas solares para a subministración da enerxía necesaria para o funcionamento dos equipos informáticos e da iluminación. Así mesmo, cóntase cun sistema de reciclado da auga de lavado, o que contribúe á reciclaxe do 100% da auga que usa e á redución ata nun 94% da presenza de hidrocarburos. Unha aposta polo aforro enerxético e o coidado do medio ambiente, na liña de favorecer a sostibilidade pola que aposta a Deputación.
“Esta modalidade que inauguramos hoxe permitiranos chegar mellor ao noso rural e apoiar máis de preto aos proxectos empresariais cunha atención personalizada”, subliñou o mandatario provincial, que se reuniu co persoal que se encargará de ofrecer o asesoramento.
O Presidente lembrou que dende o inicio do Acelera PEMES hai medio ano, xa recibiron apoio máis de 1.200 empresas da provincia, o que dá boa conta “do enorme interese que está xerando no tecido produtivo esta iniciativa”, dirixida a axudar ao empresariado e ás persoas autónomas a que aproveiten os recursos que ofrece a dixitalización e as novas tecnoloxías para modernizar e mellorar o seu negocio. Desta forma, “gañan en competitividade, en produtividade e en eficiencia, e tamén é moi útil para que abran novas oportunidades de negocio”, asegurou José Tomé. “Polo tanto”, expuxo, “estamos fortalecendo e diversificando o tecido produtivo, algo fundamental para fixar poboación no rural xunto coa dotación de servizos públicos de calidade”.
Coa oficina móbil, a Deputación reforza a actividade que xa se vén desenvolvendo no marco deste proxecto co traballo de 7 axentes dixitais que se moven polas diferentes comarcas e coas oficinas abertas nos concellos de Viveiro, Lugo, A Fonsagrada, Láncara, Monforte e Vilalba.
Neses encontros coas empresas estudan a situación da que parte cada unha delas e buscan ferramentas que encaixen coa súa actividade para beneficiar o seu volume de negocio. Por exemplo, axúdanlles a crear redes sociais e impulsalas para que teñan máis seguidores, tamén á posta en marcha de Whatsapp Business para que interactúen coa súa clientela ou implantan solucións dixitais específicas do seu sector que son moi útiles para os negocios.
O programa Acelera PEMES está dotado con medio millón de euros, dos cales o 80% (400.000€) proceden da Unión Europea a través da entidade pública empresarial Red.Es, dependente do Ministerio de Asuntos Económicos e Transformación Dixital, e o 20% (100.000€) da propia Deputación de Lugo.
Calendario completo da oficina móbil
O calendario completo da oficina móbil do Acelera PEMES comprende as diferentes comarcas da provincia, con visitas organizadas entre hoxe mércores e o xoves 23 de novembro:
Mércores, 13 de setembro:
O Valadouro -10.30 horas
Lourenzá – 12.30 horas
Mondoñedo – 16.00 horas
Venres, 15 de setembro:
Riotorto – 10.30 horas
A Pontenova – 12.00 horas
Meira – 16.00 horas
Pol – 17.30 horas
Luns, 18 de setembro:
Bóveda – 10.30 horas
Monforte de Lemos– 12.30 horas
Martes, 19 de setembro:
Ribeira de Piquín – 10.30 horas
A Fonsagrada – 12.30 horas
Baleira – 16.00 horas
Mércores, 20 de setembro:
Láncara – 10.30 horas
O Páramo – 12.30 horas
O Corgo – 16.00 horas
Luns, 25 de setembro:
Carballedo – 10.30 horas
Chantada – 12.30 horas
O Saviñao – 16.00 horas
Taboada – 18.00 horas
Martes, 26 de setembro:
Abadín -10.30 horas
A Pastoriza – 12.30 horas
Cospeito – 16.00 horas
Xoves, 28 de setembro:
Alfoz – 10.30 horas
Foz – 12.30 horas
Barreiros – 16.00 horas
Martes, 3 de outubro:
Pedrafita do Cebreiro – 10.30 horas
As Nogais – 12.30 horas
Cervantes – 16.00 horas
Luns, 9 de outubro:
O Incio – 10.30 horas
Samos – 12.30 horas
Triacastela – 16.00 horas
Martes, 10 de outubro:
Friol – 10.30 horas
Guitiriz – 12.30 horas
Begonte – 16.00 horas
Luns, 16 de outubro:
Navia de Suarna – 10.30 horas
Becerreá -12.30 horas
Baralla – 16.00 horas
Castroverde – 17.30 horas
Martes, 17 de outubro:
O Vicedo – 10.30 horas
Viveiro – 12.30 horas
Xove – 16.00 horas
Xoves, 19 de outubro:
Ribas de Sil – 10.30 horas
Quiroga – 12.30 horas
Folgoso do Courel – 16.00 horas
Martes, 24 de outubro:
Ribadeo – 10.30 horas
Trabada – 12.30 horas
Castro de Rei – 16.00 horas
Xoves, 26 de outubro:
Monterroso – 10.30 horas
Portomarín – 12.30 horas
Guntín – 16.00 horas
Martes, 7 de novembro:
Muras – 10.30 horas
Vilalba – 12.30 horas
Xermade – 16.00 horas
Xoves, 9 de novembro:
A Pobra do Brollón – 10.30 horas
Pantón – 12.30 horas
Martes, 14 de novembro:
Cervo – 10.30 horas
Burela – 12.30 horas
Ourol – 16:00 horas
Xoves, 16 de novembro:
Antas de Ulla – 10.30 horas
Palas de Rei – 12.30 horas
Martes, 21 de novembro:
Paradela – 10.30 horas
Sarria – 12.30 horas
Sober – 16.00 horas
Xoves, 23 de novembro:
Rábade – 10.30 horas
Outeiro de Rei – 12.30 horas
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
