Foz, 14 de setembro de 2023. O Concello de Foz presentou hoxe, xoves, a súa programación cultural para os meses de setembro, outubro e novembro. A concelleira de Cultura, Inés López Couto, anuncia que “este outono chega cargado de novidades teatrais, musicais e de cine”.
A edil de Cultura explica que “a primeira novidade son as sesións de cine, que se ofrecerán todos os venres de setembro, con películas galegas premiadas nos Goya. Serán na Casa da Cultura ás 20.30 horas. A pesares de que Foz carece de cine, queremos que continúe tendo ese servizo, xa que en Galicia contamos cun cine da mellor das calidades”.
Inés López Couto engade que “outubro comeza con Entroido, xa que o día 14 realizarase na Sala Bahía o acto de elección da raíña ou rei desta festa, que por fin conseguiu que se recoñecera que é espectacular e que atrae a moitos visitantes co seu colorido e alegría. Para seguir co Ciclo Mestre Mateo, que se realiza grazas a colaboración da Area de Cultura e Vicepresidencia da Deputación de Lugo”.
A concelleira de Cultura destaca tamén que “como novidade, este ano a danza vai a ser protagonista do outono. Quixemos apostar por algo diferente e menos coñecido. A danza comezou a mostrarse en Foz co festival Abanea, que se levou a cabo o 26 de xullo con moi boa acollida e que vai a continuar deleitándonos este outono. O venres 3 de novembro teremos a un veciño de Foz, Iago Alonso, coa súa compañía Lad Dance Company e o espectáculo Qualia, e o venres 10 de novembro será Marta Alonso Tejada a que nos traia Bailar agora. Esperemos que a xente se anime a vivir algo novo con estes espectáculos. Outro dos atractivos é o sempre esperado Concerto de Sta Ícia da Banda de Música de Foz, que este ano co gallo do seu trinta aniversario ten pensado deleitarnos cunha actuación moi especial que agardamos con moita intriga e ilusión”.
Para rematar Inés López comenta que “sendo Foz o concello galego con maior programación cultural na Rede de Teatros e Auditorios Galega no segundo semestre deste ano, queremos seguir insistindo en que necesitamos un auditorio, para mellorar a nosa aposta pola cultura, chegando a espectáculos aos que agora non podemos aspirar. Apostamos polo investimento nunha cultura para tod@s”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
