Ribadeo, 18 de setembro de 2023. Desde hoxe e ata o 29 de setembro está aberto o prazo de inscrición nas escolas deportivas municipais de inverno do Concello de Ribadeo. Son 11 as modalidades ofertadas para este curso 2023-24.
O concelleiro de Deportes, Francisco José Silvent, contou que “desde hoxe e ata o 29 de setembro está aberto o prazo de inscrición nas escolas deportivas municipais de inverno do Concello de Ribadeo. As nenas e os nenos poderán practicar deportes como atletismo, baloncesto, fútbol, fútbol sala, hoquei liña, natación, pádel, patinaxe, tenis, tenis de mesa ou ximnasia rítmica”.
O edil ribadense subliñou que “se trata dunha ampla oferta entre a que poder elixir. O pagamento da matrícula, que son 60 euros por escola, poderá realizarse ata o 16 de outubro. Poderán matricularse todas as nenas e os nenos nados entre os anos 2010 e 2019 ambos incluídos”.
Silvent dixo que “nas escolas con límite de prazas realizarase un sorteo entre os inscritos o día 3 de outubro. Terán preferencia as nenas e os nenos empadroados ou escolarizados en Ribadeo. O inicio das escolas terá lugar entre o 18 de setembro e o 14 de outubro e o remate entre o 18 de maio e o 14 de xuño”.
No acto de presentación das escolas deportivas de inverno participaron o alcalde, Dani Vega, os concelleiros de Deportes e Obras, Francisco José Silvent e Diego Dos Santos, e o técnico de Deportes, Iván López.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
