A decisión “avala a xestión que fixemos ata o momento na Deputación e supón un novo impulso para continuar adiante coas nosas políticas públicas para coidar os inmensos recursos naturais da nosa provincia e aproveitalos para favorecer un desenvolvemento social e económico de maneira sostible”
Lugo, 13 de outubro de 2023. A Voceira socialista do Goberno, Pilar García Porto, anunciou este venres na rolda de prensa posterior á reunión semanal de Xunta de Goberno que a Deputación logrou renovar por dez anos máis a declaración da Reserva da Biosfera Terras do Miño, a primeira que se recoñeceu en Galicia –no ano 2002-, a máis extensa da comunidade autónoma e a segunda de toda España, e a única da Península Ibérica que alberga no seu territorio unha capital de provincia.
“Conseguimos o preceptivo informe positivo por parte do Consello Científico do Comité Español do Programa MaB da UNESCO, un órgano dependente do Goberno do Estado que está formado por 22 científicos de universidades ou centros de investigación. Este informe será ratificado pola UNESCO previsiblemente a mediados do vindeiro ano”, explicou García Porto.
A avaliación realizada “recoñece o compromiso e o traballo” da Deputación de Lugo “en favor da preservación, da posta en valor e do desenvolvemento sostible deste territorio” a través dos plans de xestión aprobados e acometidos pola institución, algo que fai, ademais, “da man dos concellos e dos axentes sociais e económicos que forman parte da Reserva” a través dos órganos de xestión e de participación, subliñou a Deputada.
De feito, argumentou, o informe elaborado polo Consello Científico do Programa MaB “destaca a posta en marcha dun gran número de actividades e iniciativas de conservación da biodiversidade e do patrimonio natural”, iniciativas como o programa Life in Common Land, levado a cabo con fondos europeos e en colaboración coas universidades de Santiago e A Coruña co obxectivo de favorecer o desenvolvemento sostible da Serra do Xistral, que forma parte da Reserva, así como “a implicación social dos veciños e veciñas dos 26 concellos” que integran Terras do Miño.
A decisión, recalcou a Voceira socialista do Goberno, “avala a xestión que fixemos ata o momento na Deputación e supón un novo impulso para continuar adiante coas nosas políticas públicas para coidar os inmensos recursos naturais cos que contamos na nosa provincia e aproveitalos para favorecer un desenvolvemento social e económico de maneira sostible”.
Granxa Gayoso Castro
Por outra banda, a Xunta de Goberno da Deputación de Lugo aprobou este venres a licitación dun contrato para a prestación do servizo de mantemento e reparación do equipamento do robot de muxido da Granxa Experimental de Leite que a institución provincial ten en marcha nas instalacións de Gayoso Castro, en Castro de Rei, en colaboración coa Universidade de Santiago de Compostela.
García Porto indicou que o contrato ascende a 40.820,58€ anuais, e ten unha duración de un ano, con posibilidade de prórroga por outros tres. O contrato, asegurou, permite “garantir o normal funcionamento da Granxa Experimental de Leite, un centro pioneiro en Galicia, pois é o primeiro público na comunidade autónoma que une formación e investigación universitarias sobre o sector lácteo para poñelas ao servizo dos gandeiros e gandeiras”.
Recordou que a Granxa cubre unha parte moi importante das prácticas da Facultade de Veterinaria e da Escola Politécnica Superior de Enxeñería do Campus Terra, “o que supón un engadido de calidade na formación do alumnado porque fai prácticas nun laboratorio vivo. Cada ano fórmanse nestas instalacións da Deputación de Lugo 500 alumnos e alumnas do Grao de Veterinaria”.
A Granxa Experimental de Leite e o conxunto das instalacións que a institución provincial ten en Gayoso Castro, onde se desenvolve ademais actividade de recría de gando vacún de leite e de Raza Rubia Galega, “son un auténtico referente en canto a iniciativas públicas en apoio das explotacións gandeiras, e constitúen un dos piares máis importantes do respaldo que prestamos dende a Deputación de Lugo ao sector primario como un motor fundamental para a economía da nosa provincia”, subliñou a Deputada.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
