Será a primeira vila da provincia en ofrecer este film, segundo destaca o alcalde, Dani Vega
Ribadeo, 18 de outubro de 2023. Esta fin de semana estréase en Ribadeo a película O home e o can, de Ángel de la Cruz. O domingo, tras a proxección, haberá un coloquio co director e coa actriz barreirense Estíbaliz Veiga.
O alcalde, Dani Vega, declarou que “temos unha moi boa nova, O home e o can estréase en Ribadeo. É unha produción de Ézaro Films dirixida por Álgel de la Cruz. Este director sabemos todos que xa puxo a Ribadeo no panorama do cine con Os mortos van á presa, película rodada na vila mariñeira de Rinlo”.
O rexedor contou que “neste caso trátase dunha longametraxe, que conta un drama real sen adornos. Esta película vaise estrear en Ribadeo, en ningunha outra vila da provincia, so en Ribadeo e logo nas grandes cidades como por exemplo A Coruña ou Vigo”.
Vega subliñou que “Ribadeo será unha desas 21 salas que ofrecerá a película esta fin de semana poñendo a nosa vila á altura das grandes cidades de Galicia. Estades convocados todos o domingo ás 20:30 horas no Cine Ribadeo, unha boa nova coa que o Concello quere colaborar, potenciando a cultura e o cine en galego”.
A concelleira de Cultura, Begoña Sanjurjo, explicou que “a película está interpretada por Manquiña, Paula Chaves e Estíbaliz Veiga, foi gravada integramente en galego e en branco e negro conta a historia de Manuel, un home sinxelo que se expresa con dificultade e vive so nunha aldea. A enfermidade do seu can obrígao a viaxar á cidade e aí atopa a Paula, que foxe dun fogar desestruturado. Son dúas personaxes, que aínda que parecen antagónicas converteranse en amigos”.
A edil ribadense engadiu que “o domingo, 22 de outubro, acompañarannos na proxección Ángel de la Cruz e Estíbaliz Veiga, que compartirán co público un coloquio ao remate da proxección. Anímovos a todos a acudir ao cine. Poucas veces podemos compartir un film co seu director e contrastar ideas e sensacións. E tamén teremos photocall”.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
