A través da iniciativa parlamentaria rexistrada, demandan explicacións sobre os motivos que provocan que este colectivo leve sen cobrar as súas nóminas dende o verán e, en consecuencia, en folga indefinida dende setembro
Lugo, 16 de outubro de 2023. Os deputados do PP de Lugo -Francisco Conde, Jaime de Olano e Cristina Abades- interésanse no Congreso pola “crítica situación” dos traballadores do servizo de limpeza das oficinas que a empresa pública Correos ten na provincia, e que se manteñen en folga indefinida dende setembro, debido a que a empresa concesionaria da prestación non paga as súas nóminas dende o pasado mes de xullo.
Concretamente, os populares veñen de rexistrar varias preguntas na Cámara Baixa co fin de que o Executivo en funcións explique se é coñecedor das demandas dos afectados e, en consecuencia, que previsións manexa para solucionar a problemática que se estende a todo o país. Os deputados recollen así “o sentir” deste colectivo que, durante as últimas semanas, denunciaron incumprimentos reiterados da empresa concesionaria polo impago dos seus salarios en toda Galicia e, de xeito particular, na provincia de Lugo.
E é que, segundo informaron os afectados aos deputados nunha reunión mantida na sede do PP lucense, o pasado 1 de xuño a empresa trasladoulles que non procedería ao pagamento dos salarios porque o contrato non cubre os gastos. Isto provoca que dende o mes de xullo os traballadores que a entidade á que Correos ten subcontratada esta prestación non estean a percibir ningún tipo de ingreso polo seu traballo.
Cunha vontade clara de “ser parte da solución”, os deputados lucenses amosaron o seu apoio aos traballadores e comprometéronse “a liderar este asunto no Congreso para que se nos informe, din, se o Executivo de Sánchez é coñecedor da situación e, o que é máis importante, se ten previsto solucionar o problema”. E é que, segundo remarcan, “non podemos esquecer que detrás de cada nómina hai familias con fillos que teñen que soportar igualmente o seus gastos pero coa diferencia de que non cobran polo traballo que fan”.
“SR. SÁNCHEZ GOBERNAR É XESTIONAR; NON SÓ FIGURAR”
Os populares defenden que “o Goberno non pode seguir mirando para outro lado”. “Lamentamos e solidarizámonos con estes profesionais”; de aí que lle pidan ao Executivo “unha xestión eficiente que salvagarde os dereitos dos traballadores”.
“Sabemos que o Sr. Sánchez o que lle preocupa e ocupa é manterse na Moncloa, pero gobernar é xestionar e non só figurar”. Os populares fan esta afirmación amparándose no informe da Comisión Nacional dos Mercados e a Competencia (CNMC), que revela non só que a empresa acumulará perdas millonarias a finais de ano, senón que o número de envíos por paquetería en 2022 diminuíu 18 puntos porcentuais con respecto a 2018, ou que no mercado doméstico non logre ser líder. A mesma fonte advirte máis datos negativos, como que en ningún país europeo se producíu unha caída tan pronunciada da correspondencia; algo que cobra máis importancia se cabe se se ten en conta que o 90% dos ingresos de Correos proveñen da facturación dos produtos locais e da paquetería.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
