Considera que esta formación “está totalmente desacreditada e desautorizada para criticar cando son responsables do desgoberno e da mala xestión que temos”
Viveiro, 29 de novembro de 2023. O PP viveirense considera que o grupo XViveiro “está totalmente desacreditado e desautorizado para criticar o que acaba de apoiar por nada máis e nada menos que catro anos de desgoberno e mala xestión”. Refírese a voceira do Grupo Municipal, Mariña Gueimunde, ás declaracións publicadas no día de hoxe relativas ao desleixo do goberno local respecto do apoio ao deporte e á mellora das instalacións deportivas.
Para a popular, o mencionado grupo político “debe recapacitar” porque foron eles, di, “os que nos impuxeron a condena de 4 anos máis de falsas promesas logo de que respaldasen ao PSOE e ao BNG na investidura”.Por este motivo, Gueimunde aclara que “de nada serve preguntar nun pleno máis que para botarse flores, xa que os Sres. Fraga e Galdo puideron condicionar o pagamento desas axudas e non o fixeron”. Por tanto, engade: fraco favor lles fan ás asociacións. Se queren que Viveiro volva a ter prestixio e a senda da recuperación XA SABEN O QUE TEÑEN QUE FACER. Non nos podemos permitir catro anos máis de depresión económica, social e cultural”, conclúe.
PSOE E BNG, AGOCHADOS
“O sensentido do goberno que temos está só comezando. Será unha gota constante ao longo da lexislatura”, afirma a voceira do PP, quen, tendo en conta as queixas dos veciños e o deplorable estado no que están as instalacións deportivas municipais, se pregunta onde está o concelleiro de Deportes e o BNG. “Continúen agochados e sen dicir nin unha soa palabra. Pedímoslles máis traballo e máis criterio político”, sentencia.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
