Ribadeo, 15 de decembro de 2023. O alcalde, Dani Vega, fai unha valoración moi positiva do respaldo que está a ter a campaña das Panchas. Hoxe cúmprense dous meses do inicio desta nova edición e xa foron canxeadas 177.000 das 200.000 postas en circulación o pasado 15 de outubro.
O rexedor contou que “en dous meses foron canxeadas algo máis de 177.000 panchas das 200.000 que puxemos en circulación o pasado 15 de outubro, que foi cando arrincou esta nova edición da nosa moeda local. Quedan quince días e debemos aproveitar para empregalas, xa que aínda hai 23.000 panchas dispoñibles para poder canxear”.
Vega subliñou que “xa foron empregadas 157.000 panchas polos clientes para realizar as súas compras no comercio en Ribadeo, para consumilas tamén na hostalería local, en definitiva en todos os sectores que se adheriron a esta moeda local. Son 100 locais en total e xa foron realizadas 2.500 operacións”.
Para o alcalde “os datos son moi importantes e significativos do gran respaldo que ten esta campaña e que causa un impacto económico na nosa vila. Facemos unha valoración moi positiva desde Acisa e desde o Concello, xa que estamos a impulsar esta campaña e cremos que hai que seguir con ela”.
Dani Vega engadiu que “aqueles que precisen as panchas ou aqueles que aínda non fixeron compras con elas teñen ata o 31 de decembro para facelo. Aínda quedan 23.000 panchas para canxear. Creo que si estamos usando a moeda local estamos impulsando a hostalería, o comercio… sen lugar a dúbida todo o tecido económico da vila, que é realmente o que importa. Desde o Concello e desde Acisa facemos esa valoración positiva e dispostos a seguir camiñando en medidas que impulsen a nosa economía local”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
