A Xunta de Goberno acordou unha achega de 120.000€ ao Concello da Fonsagrada para que poida ampliar e renovar o parque móbil municipal e mellorar o servizo de augas
Lugo, 1 de decembro de 2023. A Xunta de Goberno da Deputación de Lugo aprobou este venres investimentos por un importe que supera os 610.000€ para a dotación e a mellora de servizos e infraestruturas dos veciños e veciñas da provincia, en colaboración cos concellos e co tecido empresarial.
Segundo explicou a Voceira socialista do Goberno, Pilar García Porto, a institución provincial aportará 120.000€ ao Concello da Fonsagrada para que poida ampliar e renovar o parque móbil municipal, e mellorar o servizo de augas, “isto é, para prestar uns mellores servizos ós veciños e veciñas”. En concreto, grazas a este investimento da Deputación, o Concello adquirirá un camión con gravilladora; unha apisonadora autopropulsada; unha desbrozadora forestal de brazo para acoplar ao tractor; unha pick-up, unha placa compactadora usada; un grupo electróxeno usado para soldadura; seis depósitos de auga para uso alimentario e un caudalímetro electromagnético.
Con esta nova aportación económica, dixo García Porto, “estamos demostrando de novo que a cooperación cos concellos é a función esencial desta institución e que, sen ela, moitos municipios non poderían prestar os servizos que precisan aos seus veciños”.
Apoio ao tecido empresarial
Por outra banda, a Xunta de Goberno aprobou un convenio de colaboración a través do que a Deputación de Lugo achegará 90.000€ á Confederación de Empresarios de Lugo para despregar un proxecto denominado Gabinete Empresa Século XXI, dirixido a “fortalecer, diversificar e mellorar a competitividade do tecido empresarial da provincia con actividades como xornadas formativas; un foro para fomentar a industrialización do rural; estudos para mellorar a planificación loxística; o impulso da prospección comercial ao mercado internacional; e a publicación de Lugo en Cifras, unha recompilación actualizada dos datos demográficos, sociolaborais e económicos máis significativos da provincia de Lugo”, indicou García Porto. “Esta nova colaboración coa CEL responde ao compromiso que mantemos dende a Deputación de Lugo co apoio aos sectores produtivos para favorecer a xeración de riqueza e emprego”, destacou a Deputada.
Actuacións para mellorar a mobilidade
Seguindo na liña de mellorar a mobilidade no conxunto da provincia, o Goberno provincial acordou a licitación de obras para o acondicionamento de dúas estradas provinciais ao seu paso pola Ulloa. Trátase da LU-P-0302, que une Antas co límite provincial de Pontevedra por Santa Mariña, á que a Deputación destina 186.000€ para a drenaxe, aglomerado e pintado do tramo que vai dende o punto quilométrico 6,6 ó 9,9. A outra estrada é a LU-P-4003, que une os núcleos de Coence e Santa Mariña por Chorexe. Neste caso, saen a licitación obras para renovar o firme do treito entre os puntos quilométricos 4,4 e 5,5 por un importe de preto de 100.000€. En ámbolos dous proxectos, o prazo de execución é de 2 meses.
Servizos para o rural
A Xunta de Goberno aprobou o último trámite administrativo para o pago de subvencións por un importe total de case 18.000€ a tres entidades asociativas da provincia que resultaron beneficiarias do Programa para a Dotación e Mellora de Servizos Comunitarios da Deputación de Lugo. Trátase da asociación de veciños de Ferreiros de Balboa, de Becerreá, que recibirá 6.000€ para a mellora dun camiño; a asociación veciñal O Cruceiro de San Pedro de Seixas, de Cospeito, que percibirá 6.000€ para a reforma da casa-escola; e a comunidade de usuarios de auga de Vilaverde, en Navia de Suarna, que cobrará 6.000€ para a mellora da traída de auga para uso doméstico e gandeiro.
O Programa para a Dotación e Mellora de Servizos Comunitarios consiste na colaboración económica con entidades asociativas da provincia -como agrupacións veciñais, comunidades de augas e de montes, e asociacións de gandeiros, agricultores ou produtores forestais-, para acometer obras en servizos, equipamentos e infraestruturas que inciden no seu día a día, tales como pistas, accesos, locais sociais, traídas de auga, fontes ou espazos públicos comunais. Actuacións coas que “estamos contribuíndo así a mellorar a súa calidade de vida e, desta forma, a fixar poboación no noso rural”, destacou Pilar García Porto.
Novas dotacións nos paseos de Ombreiro, Rato e Paradai
Outra das medidas que saíron adiante nesta reunión do Executivo foi a licitación do alugueiro de cabinas sanitarias autónomas móbiles, totalmente accesibles, xunto co seu mantemento e limpeza diarias, para a súa instalación no entorno dos paseos de Ombreiro, Rato e Paradai. O importe do contrato é de 96.000€ e a súa duración, de 4 anos.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
