A rula de Celeiro é a cuarta máis importante de Galicia por facturación, con máis de 47 millóns de euros o ano pasado, e a quinta en descargas con preto de 12.800 toneladas, sendo a pescada arredor do noventa por cento do seu negocio
Viveiro, 29 de xaneiro do 2024. Os profesionais da pesca galega están a tratar de capear unha contorna de restricións crecentes a súa actividade co único obxectivo de continuar a levar á mesa dos consumidores peixe de calidade que se captura de forma sostible e respectuosa co medio. É o caso dos que traballan no Porto de Celeiro, o máis importante de Galicia tanto en descargas como en facturación dunha especie tan importante como é a pescada, e que para o conselleiro do Mar, Alfonso Villares, son un dos grandes referentes a nivel mundial en boas prácticas.
O titular de Mar acudiu hoxe a primeira hora á lonxa de Celeiro coincidindo coas poxas realizadas tralas descargas de varios buques. Neste contexto incidiu en que esta rula segue a ser unha das principais portas de entrada ao mercado de produtos do mar da maior calidade. Con preto de 12.800 toneladas foi o ano pasado a quinta lonxa con máis descargas de Galicia, e con 47 millóns de euros de facturación, a cuarta. A pescada, na que é líder na comunidade, representa case dez mil toneladas e preto de nove de cada dez euros facturados, con 41 millóns de euros.
Estas cifras conséguense a pesares do duro golpe que para o sector, e en especial para unha das frotas estrela deste porto da Mariña, a do palangre, supuxo o veto comunitario á pesca de fondo nas 87 áreas do Atlántico nororiental que foi recorrido por parte do sector ante o Tribunal Xeral da Unión Europea (TXUE), un proceso no que a Xunta participa como coadxuvante e que, despois da presentación de todos os escritos que están a ser estudados, agárdase que se celebre unha vista antes do próximo verán.
A este veto estanse a sumar novas vedas como a que ven de impoñer Francia nas súas augas territoriais no golfo de Biscaia para, de forma unilateral e saltándose toda a operativa comunitaria, protexer aos delfíns. Hai unha vintena de barcos galegos de Celeiro e Burela afectados, así como buques galos que descargan nos portos da Mariña e A Coruña, que contan con dispositivos acústicos disuasorios (pingers) nos que investiron e que serven para afastar aos cetáceos das embarcacións.
O Ministerio de Agricultura, Pesca e Alimentación nada fixo para evitar este peche que se entende contrario á regulamentación europea e só se limitou a anunciar que se establecerán axudas por parada temporal obrigatoria. Un tipo de apoio que segue a faltar nos petos dos afectados pola paralización forzada en 2023 á frota do cerco polos recortes de capturas no xurelo, con preto dun cento de barcos que se ven agora obrigados a unha nova veda obrigatoria despois de que o Goberno español non fose quen de evitar novos restricións na negociacións da cotas de pesca para 2024, a pesares de liderar este proceso desde a presidencia do Consello da UE.
Profesionalidade da OPP-77
O titular de Mar realizou a visita ao peirao e a lonxa acompañado polo presidente de Puerto de Celeiro, José Novo Rodríguez, do director adxunto do grupo, Eduardo Míguez, e de outros responsables da organización de produtores pesqueiros, a OPP-77. Alfonso Villares destacou o bo facer en todas as fases do proceso, desde a de captura a cargo dos vintecinco palangreiros e volanteiros vinculados á OPP ao tratamento da materia prima e ao proceso de comercialización, onde contan coas marcas ‘Merluza do pincho de Celeiro’ e ‘Merluza de volanta de Celeiro’ para revalorizar o produto.
A través dunha importante labor de promoción, que mesmo acaba de levar á Feira Internacional de Turismo Fitur a súa pescada, os profesionais do Grupo Puerto de Celeiro OPP-77 conseguiron que esta especie fose incrementando o seu valor e acadase en 2023 un novo máximo con 4,24 €/kg. Un traballo en favor dos produtos do mar a través dos plans de produción e comercialización nos que a OPP conta co apoio da Xunta.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
