Fronte o compromiso e a xestión socialista, denuncia “a incompetencia” da Consellería do Mar que perdeu 150 millóns de euros do Fondo Europeo Marítimo e da Pesca 2015-2020
Celeiro, 12 de febreiro de 2024. O candidato socialista á Presidencia da Xunta, José Ramón Gómez Besteiro, comprometeuse a priorizar a modernización e a dixitalización do sector pesqueiro galego apoiando de maneira directa e firme ás confrarías de pescadores, Organizacións de Productores Pesqueiros (OPPs) e ás asociacións representativas do sector neste proceso para o que é fundamental aproveitar cada céntimo dos fondos chegados de Europa.
Así, o candidato socialista comprometeuse a sacar á consellería do Mar do estancamento e a mellorar a xestión do novo fondo das políticas marítima, pesqueira e acuícola da Unión Europea (FEMPA) proposta para o período 2021-2027 “para que a frota pesqueira galega non perda nin un céntimo e desenvolva a toda a súa competitividade”.
Así, fixo fincapé no compromiso de traballar desde o próximo Goberno da Xunta man a man “para avanzar no desenvolvemento do sector pesqueiro da Mariña e de toda Galicia desde o horizonte da dixitalización, a xestión sostible e a protección do medio ambiente aproveitando cada céntimo que chegue de Europa”.
Fronte a xestión socialista, Besteiro denunciou “a incompetencia” da Consellería do Mar que perdeu 150 millóns de euros de investimento no sector pesqueiro procedentes do Fondo Europeo Marítimo e da Pesca 2015-2020. Sinalou que “dos 300 millóns que lle correspondían a Galicia a Xunta de Rueda só foi capaz de executar o 49%; unha xestión desastrosa que compromete de maneira directa a pervivencia dun dos sectores máis importantes da economía galega”, incidiu.
O candidato socialista á presidencia da Xunta asegurou nunha reunión coa Asociación de Produtores do Porto de Celeiro que “cun goberno socialista liderando a Xunta o sector pesqueiro por fin será escoitado”. Afirmou que o apoio á industria do mar séguese demostrando día a día desde o Goberno de España, “coa ansiada xestión en Bruxelas de fondos europeos específicos no marco do PERTE Agroalimentario”.
Besteiro recordou que o PERTE Mar-Industria era unha das principais demandas da industria do mar, asegurando que “pronto se poderá acceder aos 50 millóns de euros que vén de anunciar o ministro, Luís Planas, para que as empresas transformadoras poidan desenvolver proxectos estratéxicos de economía circular e dixitalización”.
“Demostramos unha vez máis que os socialistas cumprimos e facemos que as axudas pasen do papel á realidade das empresas, porque cremos nunha Galicia con máis e mellor economía, con máis emprego, con máis dereitos e con máis ambición de país”.
O candidato socialista puxo de manifesto o “gran traballo” dos produtores do porto de Celeiro, “sinónimo de bo facer e de éxito na industria, que se exemplifica nas súas capturas e na súa frota”. Subliñou que a industria do mar en Galicia é a punta de lanza do desenvolvemento do sector pesqueiro español e animou aos produtores de Celeiro a seguir traballando na senda da innovación para gañar competitividade.
Besteiro tamén avogou por unha estratexia galega do mar que implique a todos os actores do sector mar-industria e sume esforzos para mellorar a capacidade de negociación da Xunta en Europa.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
