Os deputados provinciais visitaban a zona fai preto dun ano e “case 12 meses despois comprobamos que a situación segue igual ou incluso peor”
Mondoñedo, 19 de agosto de 2024. O Grupo Provincial Popular condena a actitude do goberno provincial de PSOE e BNG porque “non da solución” ante os problemas de inundacións e inseguridade que sofren os veciños do Fondo da Vila, na parroquia mindoniense de Santa María Maior, pola rotura das canalizacións de drenaxe da estrada provincial LU-P-3103.
Os deputados populares visitaban a zona cos veciños fai preto dun ano e “case 12 meses despois comprobaron que continúan co mesmo problema ou, se cabe, máis grave”, segundo considera o portavoz, Antonio Ameijide. É por iso polo que dende o Grupo do PP se unen á reivindicación dos veciños para esixirlle ao goberno da Deputación o arranxo das tubaxes cunha capacidade suficiente para que non se volvan repetir inundacións nas vivendas da zona.
Se o 2023 o comezaban con auga no interior das súas vivendas debido á rotura das tubaxes das marxes das estradas, este verán repetíase a situación coincidindo cunha forte treboada acompañada de fortes chuvias que afectou á zona o 29 de xullo deste ano: as tubaxes non teñen suficiente capacidade e rebentaron coa presión da auga -que xa saía tamén polos buratos anteriores- vertendo pola estrada converténdoa nun perigo e inundando hortas, garaxes e, incluso, vivendas.
O portavoz popular sinala que “as canalizacións para o drenaxe transversal e lonxitudinal rebentaron pola presión da auga en momentos de intensas precipitacións debido, moi probablemente ao mal deseño, obstrución e falta de mantemento, xerando danos no asfalto e nas vivendas e un risco innecesario”. E no lugar de Braña, tamén na marxe desta mesma estrada provincial, a canalización e a drenaxe están totalmente desfeitas. Pero ante esta situación, “o goberno provincial de PSOE e BNG non se preocupa o máis mínimo e a desfeita leva xa máis de ano e medio sen reparar”.
Os populares esíxenlle a Tomé e o seu goberno adoptar medidas de forma urxente para garantir a seguridade de persoas, inmobles e vehículos acometendo as obras necesarias, previa realización dos estudos técnicos, para canalizar a auga de escorrentía nesta vía provincial mediante canalizacións de drenaxe lonxitudinal e transversal. Así mesmo, cren necesario levar a cabo un mantemento axeitado das cunetas e reparar os danos causados ao firme da estrada provincial.
Ameijide engade tamén que hai varandas rotas e que o firme está desfeito noutro treito de aproximadamente 1 km da estrada provincial LU-P-3103 que quedou sen arranxar cando se mellorou o resto da vía.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
