O vindeiro martes día 1 de outubro terán lugar no Centro de Interpretación da Mariña (Cenima) en Foz as xornadas de divulgación da estratexia do GALP A Mariña Ortegal, que nesta ocasión abordan conexión entre a gastronomía da Mariña e o produto pesqueiro
A Mariña, 27 de setembro, 2024. O GALP A Mariña Ortegal, continúa coas xornadas de divulgación da estratexia do Fondo Europeo Marítimo e da Pesca, que iniciou na pasada edición de Produart en Burela. Nesta ocasión abordarase a conexión entre a gastronomía e o produto pesqueiro local, co obxectivo de reforzar o seu consumo, facendo fincapé no sector da hostalería e restauración.
Na sesión anterior das xornadas quedou de manifesto que A Mariña ten unha ampla traxectoria na trazabilidade e identificación de produto pesqueiro, da man de dous dos portos máis importantes de Galicia, o de Burela e o de Celeiro. Nesta edición quérese potenciar o consumo do produto pesqueiro e a vinculación coa hostalería, apostando por un consumo sostible e responsable, onde se prime a calidade e frescura do produto local, e a redución da pegada de carbono que implica o consumo local. Trátase de promover tamén unha conexión co turismo reforzando a identidade da gastronomía co mar e os seus recursos.
Tres son os relatores que compartirán mesa para abordar esta temática. Jorge Guitián, xestor de patrimonio cultural e divulgador sobre gastronomía e turismo gastronómico, Premio Nacional de Xornalismo Gastronómico en 2008 e colaborador da Guía Repsol, La Vanguardia ou Traveler, poñerá de relevo o traballo que se está facendo nesta zona coa posta en marcha do Plan Director do Turismo Gastronómico da Mariña, acompañado do Colectivo Gastronómico da Mariña, creado ao amparo do mesmo. Pepe Formoso, periodista e director dos establecementos Bela Fisterra e Bela Muxía, que preside actualmente a Asociación Profesional do Turismo da Costa da Morte (APTCM), compartirá a experiencia de “Meses con R Aposta segura”, campaña de promoción de produtos pesqueiros que están impulsado dende a mesma, co obxectivo de desestacionalizar o turismo nesa zona. Por último, e procurando a conexión cos centros públicos de formación nesta materia, será Higinio Díaz, profesor técnico de cociña do IES de Foz, centro de referencia en toda a zona da Mariña, o encargado de pechar a sesión poñendo de relevo a valorización que dende o centro se fai do produto pesqueiro local, na formación ao alumnado e no consumo que realiza o propio centro.
A xornada desenvolverase o martes día 1 de outubro a partir das 18:30 horas no CENIMA de Foz. A participación é aberta, pero agradécese a inscrición previa no seguinte enlace. Ao rematar degustaranse elaboracións con produto pesqueiro, realizadas polo alumnado do IES de Foz, acompañando con viños da IXP de Ribeiras de Navia, potenciando deste xeito a maridaxe entre produtos locais.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
