“Farase unha reparación integral do casco do barco, unha actuación que tiñamos xa prevista dende hai tempo, ao tratarse dun barco de madeira con máis de 60 anos”, sinala Ramiro Fernández Rey
Burela, 9 de outubro de 2024. O Concello de Burela leva o Barco Museo Bonitero “Reina del Carmen” aos asteleiros Armon da localidade para que se realicen nel diversos labores de conservación.
“Farase unha reparación integral do casco do barco, unha actuación que tiñamos xa prevista dende hai tempo, ao tratarse dun barco de madeira con máis de 60 anos que precisa dun mantemento importante”, explica o concelleiro de Mar e de Turismo, Ramiro Fernández Rey.
“Cada ano ou cada dous anos faise o pintado do casco, pero cada certo tempo precísase unha actuación máis integral, non é algo habitual pero resulta moi necesario”, indica o edil.
O custo da reparación será de arredor de 30.000€. Consistirá no lixado do barco, a substitución das táboas de madeira situadas debaixo da auga que estean en mal estado, ou o espichado e recravado das táboas que tiveran algún problema.
Tamén se fará o calafeteado do casco, é dicir, meter estopa entre as táboas para evitar a entrada de auga, e finalmente se dará unha capa de imprimación que servirá para conservar as anteriores actuacións.
“Isto para o Concello non é un gasto, se non un investimento para manter o que é a nosa xoia da coroa a nivel turístico e didáctico”, apunta Fernández Rey. “Consevalo é unha prioridade para nós e o demostramos con feitos”, afirma.
“O barco recibe decenas de miles de visitas cada ano, con 5.000 neste 2024, un incremento dun 10% con respecto ao anterior”, apunta Fernández Rey. “Isto é proba de que a xente está interesada na nosa cultura mariñeira, no que ensinamos no barco e na pesca sostible”, engade.
“Dende o Concello queremos darlle as grazas a Lino, o respontable do barco, polo seu labor de mantemento durante todo o inverno, e tamén a asteleiros Armón por darnos todas as facilidades posibles para facer estas reparacións”, conclúe o edil.
O Barco Museo está recoñecido dentro do sistema SICTED promocionado pola mancomunidade de municipios da Mariña, e vén de ser recoñecido tamén por parte da Deputación de Lugo nos seus premios á excelencia turística na categoría de Turismo Sostible polo seu labor divulgativo.
A alcaldesa de Burela, Carmela López, destaca respecto desta distinción que “o Barco Museo sumerxe á persoa asistente nunha experiencia que fala do que fomos e do que somos a xente de Burela”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
