Os populares inciden en que “a concelleira deu no pleno cifras que apenas suman 63.000 euros cando ela mesma di que son 81.000 euros e, aínda así, tampouco é certo porque faltan máis gastos por contabilizar”
Burela, 10 de outubro de 2024. Os concelleiros do PP de Burela convidan ao goberno bipartito a “facer públicas as contas das festas patronais desglosando os gastos para comprobar se están tódolos gastos que realmente se fixeron por parte do Concello”.
Os populares explican que “no pleno a concelleira de Economía, Patricia Eijo, deu unha serie de cifras no pleno que sumadas dan uns 63.000 euros; cando dixo que había 81.000 euros de gasto”. Co desglose punto por punto, “poderemos comprobar se coincide cos datos explicados no pleno”.
“A concelleira di que foi clara no pleno, pero calquera pode facer as contas e comprobar que as cifras que relatou apenas suman 63.000 euros. Hai, polo tanto, unha diferencia de 18.000 euros con respecto ao que din que gastaron”, expoñen.
“E aínda así non é certo tampouco porque se gastou máis” á vista das contías que o Concello aportou á comisión de festas e ás que tiveron acceso os membros do Grupo Municipal Popular. Nese sentido, aseguran que “están falseando as contas. Non entendemos por qué o goberno bipartito continúa mentindo e burlándose dos veciños e veciñas de Burela”.
TRABALLO RIGOROSO
O portavoz, Manuel Rouco, explica que “unha vez máis queda retratada unha concelleira da que esperabamos bastante máis”. O popular engade que “calquera que siga a nosa actividade nos plenos ou a través das redes sociais sabe quen comproba as cousas e quen só di mentiras”.
O portavoz avanza que “se o goberno bipartito non aporta eses datos, terao que facer o Grupo do Partido Popular para que os veciños e veciñas comproben que o único que fai este goberno local é mentirlles”.
Con respecto ás facturas, os populares xa teñen advertido de facturas e expedientes que leva o goberno local a pleno estando incompletas: sen que figure nin a contía nin a quen vai dirixida. Ou decretos que asina a alcaldesa de gastos nos que non figura tampouco nin o nome nin o CIF da persoa ou empresa beneficiaria.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
