Este pasado domingo 24 de novembro tivo lugar a sétima e última etapa da quinta edición do “Camiño Gastronómico do Mar”, que recorreu os 15 concellos do norte de Galicia durante 7 fins de semana
A Mariña, 26 de novembro, 2024. O “Camiño Gastronómico do Mar” está organizado pola Organización de Produtores Pesqueiros do Porto de Burela e a Asociación Amigos do Camiño do Mar Peregrinación a Santiago de Compostela para fomentar o consumo de peixe e promocionar o “Camiño do Mar”, ruta xacobea que comunica por terra o Camiño Norte e o Camiño Inglés a Compostela.
Nas últimas sete fins de semana uns 180 peregrinos participaron nas diferentes etapas que foron percorrendo os 15 concellos da costa norte de Galicia, cruzando as comarcas da Mariña Lucense e Ferrolterra: Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño, Narón e Neda.
En total 100 quilómetros de paseos que pisaron lugares tan emblemáticos e coñecidos mundialmente como a praia de As Catedrais ou o santuario de San Andrés de Teixido, pasando polas igrexas de Santiago de Fazouro (Foz), Vila do Medio (Burela, pinturas do s.XV), San Pablo (Río Barba, O Vicedo); as capelas de San Andrés (San Cibrao, antigo hospital de peregrinos), Santa Ana (Celeiro, antigo hospital de peregrinos en Viveiro) ou San Pedro (Mañón); ou as ruínas do antigo mosteiro de San Tirso (Portocelo, Xove).
Un percorrido que atravesou incomparables paraxes naturais, costeiros e fluviais, e no que tamén se aproveitou para coñecer os principais recursos patrimoniais dos concellos polos que transita o Camiño do Mar.
Outro dos grandes obxectivos cos que se lanzou esta iniciativa gastronómica hai xa cinco anos era fomentar o consumo de peixe e promocionar o “Peixe de Burela”.
Por iso, ao final de cada etapa, ofreceuse a todos os participantes unha degustación de produtos da lonxa de Burela a cargo dos chefs da Asociación Cociñeiros Lugo, coa colaboración de Estrela Galicia e Cabreiroá. Este ano puidéronse degustar pratos de pescada do pincho, bonito do norte, peixe espada, tintorera, cabra de altura, xurel, rape, pota, bertorella ou congro, en representación das pricipales frotas do porto de Burela.
E, ademais da satisfacción de pisar camiños milenarios e saborear a gastronomía do mar, os participantes no “Camiño Gastronómico do Mar 2024” tamén puideron ir selando en cada concello a súa particular “Compostela”, optando a un premio final que se sorteará nos próximos días: unha comida ou cea para dúas persoas no restaurante O’Asador del Alba (Barreiros), socio da Asociación Cociñeiros Lugo.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
