Antonio Basanta expón no Parlamento que este esforzo inversor está cifrado en 20M€
Santiago de Compostela, 20 de decembro de 2024. A Xunta aumenta en 2025 nun 80% os fondos destinados á mellora da comercialización dos produtos marítimo-pesqueiros e acuícolas, ata chegar aos 20 millóns de euros. Así o expuxo este venres no Parlamento de Galicia o director xeral de Pesca, Acuicultura e Innovación Tecnolóxica, Antonio Basanta, quen relatou a aposta que vén realizando a Administración autonómica neste eido, pois, en 2024, o Goberno galego xa aumentou nun 30% o investimento destinado á valoración e á internacionalización do peixe e marisco, cun investimento de 11 millóns de euros.
Neste senso, Basanta puxo en valor iniciativas como a campaña Galicia Sabe AMAR, que, ademais das coñecidas foodtrucks, inclúe outro tipo de actuacións como a participación da Consellería do Mar en máis de 100 foros, eventos e feiras, e o proxecto pioneiro de desenvolvemento de xornadas de coñecemento dos produtos e a súa difusión en prazas de abastos e mercados locais, con probado éxito e que se repetirán en 2025. Asemade, tamén dirixido ao consumo interno galego e español, destacou o impulso dunha liña concreta para a identificación e diferenciación do produto en colaboración coas entidades asociativas de transformación e comercialización; os convenios de colaboración cos Consellos Reguladores do Mexillón de Galicia e da Agricultura Ecolóxica; con CONXEMAR, Interfish, ANFACO, a Asociación Galega de Depuradores de Moluscos e o Clúster de Alimentación de Galicia.
Neste compromiso coa valorización, tamén se avanzou na promoción de eventos ligados ao movemento slowfood, a formación como elemento de difusión e competitividade en colaboración con CLUSAGA e, co fin de reforzar a posición do produto no exterior, afianzouse a presenza coa participación en eventos coma a PLMA Chicago ou a Fancy Food das Vegas. Ademais, tamén se buscaron sinerxias de comercio exterior con Estados Unidos , China ou Corea.
732.000€ para impulsar a acuicultura
Antonio Basanta, e en resposta á pregunta formulada na mesma Comisión, detallou a resolución das axudas concedidas ao abeiro da Orde do 25 de xuño de 2024 pola que se establecen as bases reguladoras para a concesión, en réxime de concorrencia competitiva, para a fomentar a innovación, a mellora tecnolóxica e a competitividade no sector da acuicultura, cofinanciadas co Fondo Europeo Marítimo, de Pesca e de Acuicultura (FEMPA).
En total, 732.000 euros de achegas para un investimento total de máis de 900.000 euros, que corresponden ás seis iniciativas aprobadas: LETEELEG, proxecto de avaliación de diferentes metodoloxías de atordamento para linguado senegalés e impulsado pola Asociación Clúster de Acuicultura en colaboración coa Universidade de Vigo; VACALOR, destinado á innovación en vacinas orais para rodaballo e promovido polo mesmo Clúster e a Universidade de A Coruña; XESMORINM, para a mellora da supervivencia de bivalvos no mar, impulsado pola empresa Proameixa Fernández e a Universidade de Santiago de Compostela; ChernAdvance, dirixido á optimización integral do cultivo larvario do mero gris e solicitado por Nueva Pescanova Biomarine Center en colaboración coa Clúster da Acuicultura; MICROCOOL, para produtos refrixerados de microalgas para a alimentación acuícola e impulsado pola Asociación Nacional Fabricantes de Conservas de Pescado e Marisco ANFACO-CECOPESCA, en colaboración coa Universidade de Vigo; e, finalmente, OctoDiet, de deseño e optimización de dietas para promover a sostibilidade na acuicultura do polbo común, e presentado por Nueva Pescanova Biomarine Center, en colaboración coa Universidade de Almería.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
