Moitas das actividades foron programadas en colaboración con diferentes asociacións do municipio
Cervo, 6 de decembro, 2024. O Concello de Cervo programa para as festas de Nadal unha axenda chea de eventos e actividades para todo tipo de públicos en colaboración con diferentes asociacións do municipio.
A axenda foi presentada na Casa do Concello pola alcaldesa, Dolores García Caramés, os edís, David Rodríguez, Adrián Arias, Alfredo Fernández, e a concelleira Mali Méndez, xunto a representantes das diferentes asociacións que colaboran e organizan os seus propios eventos.
A programación de Nadal arrincará este mesmo sábado 7 de decembro coa elaboración dos beléns de plastilina, ás 12:00 horas, na Casa do Concello; e ás 17:00 horas na Casa da Cultura. Logo, ás 19:00 horas, a Casa da Cultura acollerá a representación da obra Vaites, Rapariga! de Tarabela Creativa, para o público maior de 16 anos.
O 14 de decembro será o Mercado de Nadal que terá lugar na Praza do Souto, en Cervo, da man da Asociación Airiños do Xunco a partir das 10:00 horas e durante todo o día. Haberá diferentes postos de alimentación, artesanía, sorteos e música, e unha edición especial da Ruta de Petiscos Cervo-Sargadelos, na Sacabeira, A Taberna de Sargadelos, O Almacén e o Caseto de Copa. Tamén está prevista unha actuación infantil ás 19:00 horas.
O domingo 15 de decembro, será o acendido do Belén feito con papel reciclado de xornal da Asociación Mulleres de San Ciprián, na Casa do Mar, ás 18:00 horas.
O 18 de decembro o CIT celebrará o Día do Socio, no seu local, a partir das 18:00 horas.
O 20 de decembro o mesmísimo Papá Noel estará de visita nos dous colexios pola mañá, e tamén estará en Trasbar o día 21, da man da asociación de veciños do Burgo de Trasbar, con merenda, a partir das 17:00 horas. E o día 22 trasladarase á Escola de Rúa, convidado por veciños desta parroquia, que tamén teñen programada unha chocolatada a partir das 16:00 horas. E xa o 23 de decembro co seu elfo visitará a Escola Infantil e o Centro de Día Resindencia.
O día 21 de decembro a asociación cultural Comisión de Festas de Lieiro coa colaboración do Concello celebrará o II Festival do Guioncho, a partir das 22:00 horas, na carpa da Praza dos Campos, con moitas sorpresas, servizo de buses, a orquestra Waykas, o Grupo Beatriz e DJ Pablo Conxuro.
Ese mesmo día pola mañá será o XVI Campionato de Nadal de Nihon Tai-jitsu, no pavillón do CEIP Península da Paz.
O día 22 de decembro será a tradicional Gala de Nadal no auditorio da Casa da Cultura que contará coa participación dos grupos musicais e de baile do Concello a partir das 19:00 horas.
O 24 será a Noiteboa Infantil da man de Fervenza de Sargadelos, a partir das 17.00 horas, na carpa instalada na Praza do Souto.
O xoves 26 de decembro terá lugar un guateque de Arruguiñas na Casa do Mar, ás 19:30 horas, coa colaboración de Xubilados Terramar.
Xa o venres 27 de decembro a Praza dos Campos será o escenario do Callo Fest para despedir o ano con moita música, a partir das 21:00 horas, con Me Fritos and The Gimme Cheetos, e un tributo a Foo Fighters como pratos fortes. Ese mesmo día o CIT entregará os premios do concurso de fotografía de Nadal no seu local, ás 18:00 horas.
E o sábado 28 haberá un concerto O Son do Nordeste ás 21:00 horas, na Carpa da Praza do Souto.
O 31 de xaneiro a asociación de veciños do Burgo de Trasbar celebrará un brinde de fin de ano a partir das 19:00 horas, no seu local; e de madrugada o Concello propón unha gran Festa de Fin de Ano, na Praza dos Campos, a partir da 1:30 horas.
Os Reis Magos farán como sempre unha parada obrigada no noso Concello o día 5 de xaneiro, como xa é tradición.
A cabalgata de San Cibrao sairá ás 18:00 horas da zona do Pavillón da Veiga, e haberá recepción Real no auditorio ao remate. Durante a tarde, a A.C. Comisión de Festas de Lieiro servirá chocolate con biscoito caseiro na Praza dos Campos. Esta cabalgata contará coa colaboración da ANPA do CEIP Península da Paz e de Mulleres de San Ciprián.
A cabalgata en Cervo será a partir das 19:30 horas, e a recepción será na Praza do Souto, onde tamén haberá un Belén Vivente, da man de Airiños do Xunco.
Ademais, haberá diferentes actividades lúdicas durante todo o Nadal, como un chan interactivo na carpa da Praza do Souto, o 28 e 29 de decembro, ás 17:00 horas; e colchonetas e xogos xuvenís o 3 e o 4 de xaneiro, na Praza dos Campos pola tarde. E o 30 de decembro unha actuación de maxia no Souto da man do Concello e Airiños do Xunco, ás 19:00 horas.
A piscina municipal acollerá tamén a tradicional Festa Acuática o 2 de xaneiro, ás 17:00 horas e haberá unha actuación infantil o 7 de xaneiro, na carpa da Praza do Souto, ás 18:30 horas, da man do Concello e Airiños do Xunco.
Tamén se programaron actividades para favorecer a conciliación das familias como o Cervo Concilia durante todo o Nadal, e tamén Brincos de Nadal o 28 de decembro ás 12:00 horas, na Casa da Cultura; e o 29 de decembro nas Escolas Vellas de Cervo á mesma hora.
A alcaldesa, Dolores García Caramés, quixo agradecer unha vez máis a implicación do tecido asociativo local tamén nestas datas “que coa súa enerxía, xenerosidade e creatividade contribúe a que poidamos contar con esta completa axenda lúdica pensada para todos os públicos”.
As asociacións culturais, sociais e deportivas do municipio foron fundamentais para crear un calendario de actividades que reflexan a diversidade e o espírito navideño de Cervo, e quixo convidar a toda a veciñanza e visitantes a participar nas actividades programadas e a gozar destas festas no municipio.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
