Os mariñaos remontan un 2-1 antes do descanso e véñense arriba na segunda parte dominando o resto do partido con solvencia
Burela, 17 de decembro, 2024. O conxunto masculino do CD Burela FS enfrontouse ás 20.45h desta tarde ao IES Coruxo FS no encontro de cuartos de final de Copa Galicia no pavillón As Travesas de Vigo, cun resultado final 3-6, clasificándose para a semifinal do campionato. Partido solvente e sobrio do Burela FS. Aínda que arrinca anotando rápido cun tanto de Pitero, un talentoso Coruxo aproveita ben dúas situacións de transición onde xera perigo ao Burela, anotando dous goles e poñéndose por diante durante estes primeiros minutos de xogo, xerando uns minutos de dúbida tras o 2-1 ao conxunto visitante. Pero os mariñáns non se desconcentran e volven recuperar rapidamente a confianza converténdose en claros dominadores do encontro durante o resto do partido.
Arrinca anotando o Burela cun golazo de Pitero no minuto 2, que recibe unha boa paralela de Charly e métea por toda a escuadra. Pero no minuto 6 o Coruxo empata o encontro cun gol tras unha boa transición. Dous minutos despois chega o 2-1 para o Coruxo noutra transición tras perda, pero no 13 volve Pitero nunha gran acción de pivote xirándose na área e marcando a pracer tras asistencia de Juninho. Segundos despois chega o terceiro do Burela e hat-trick de Pitero tras recuperar o balón preto da área rival. Vantaxe mínima tras os 20 primeiros minutos tras remontar o encontro.
Vénse arriba o Burela na segunda parte, anota R. Ribeira o cuarto no minuto 22 cun zapatazo axustado que condena ao cérbero local e chega o 2-5 no 26 cun gol de Araya coa zurda tras unha gran xogada combinativa do conxunto mariñán. Remata o festival de goles co 3-6 nunha xogada de estratexia do conxunto vigués.
Contento coa vitoria o técnico santiagués, David Rial, “O noso obxectivo non é outro que gañar a competición, era importante pasar este primeiro partido e se hai que vivir estas situacións de empezar perdendo tamén é bo vivilas e remontalas”.
Este próximo sábado 21 o equipo burelense enfrontarase ao vixente campión de liga, o Jimbee Cartagena Costa Cálida, ás 20.00h en Vista Alegre. Partido que será retransmitido pola canle pública Teledeporte.
Ficha Técnica IES Coruxo FS 3-6 CD Burela FS
IES Coruxo FS (3): Joel Sanervas; Alejandro Fernández, Enrique Gómez, Alexis Rodríguez, Javier Fernández –cinco inicial-, Pablo Calvo, Daniel Cervelo, Daniel Lorenzo, Martín Puime, Jorge Bigotes, Adán Álvarez. Entrenador: Lucas Fernández Álvarez.
CD Burela FS (3): Mika; Pitero, R.Ribeira, Isma, Charly -quinteto inicial-, Araya, Quelle, Alberto, Juninho, Malaguti. Entrenador: David Rial.
Goles: 0-1, min.2: Pitero. 1-1, min.6: Pablo Calvo. 1-2, min.8: Alejandro Fernández. 2-2, min.13: Pitero. 2-3, min.14: Pitero. 2-4, min.22: R. Ribeira. 2-5, min.26: Araya. 2-6, min.28: Isma. 3-6, min.28: Javier Fernández.
Árbitros: Olivier Cardero Rodríguez, Jorge Otero Mira, María López López.
TA: Alexis Rodríguez, Martín Puime, Jorge Quelle, Malaguti.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
