O portavoz, Antonio Ameijide, pide “luz e taquígrafos” ante as sospeitas polo cambio nas puntuacións por parte do goberno provincial de PSOE e BNG de persoas admitidas no prazo dunha semana e “sen motivo aparente”
Lugo, 10 de decembro de 2024. O PP pedirá acceso ao expediente sobre o proceso selectivo -a través de concurso de experiencia e méritos- de tres prazas de funcionarios públicos na Deputación de Lugo “ante sospeitosos cambios nas valoracións” debido ao cambio nas puntuacións de persoas admitidas no proceso selectivo no prazo dunha semana e “sen motivo aparente”.
O portavoz, Antonio Ameijide, cre que o goberno provincial de PSOE e BNG debe poñer “luz e taquígrafos” sobre este procedemento para a estabilización de emprego temporal na Deputación Provincial tras apreciar cambios nas puntuacións relacionadas coa experiencia profesional na mesma administración e no mesmo posto en dúas listaxes oficiais -unha publicada o 21 de novembro e outra o 27 de novembro- cando nesta segunda se aplican os criterios de desempate e algúns dos admitidos que tiñan xa valorada a experiencia vén reducida a puntuación de 37 a 0 cunha semana de diferencia nas valoracións e sen que lle afecten alegacións.
“O goberno provincial tamén ten que explicar a que se debe” que a puntuación que reflicte para o desempate non se corresponda coa fórmula establecida nas bases específicas que aplican o recollido nas bases xerais que regulan os procesos selectivos excepcionais incluídos na Oferta de Emprego Público do ano 2023 da taxa adicional de estabilización de emprego temporal.
O popular esixe “transparencia” neste procedemento igual que no resto de procedementos e xestións administrativas desta Deputación. “Non podemos permitir que o goberno de PSOE e BNG aplique criterios de desempate a medida ou ao criterio do que lle interese ao goberno, sen cumprir nin as bases que eles mesmos aprobaron”.
Ameijide xa ten denunciado a “política caduca e caciquil de Tomé” que está “anclado no pasado” e subliña que “non se poden permitir este tipo de incidencias nun procedemento formal coma este”. E engade que “pode ser un erro, pero ante tal reincidencia de erros que sempre benefician ao entorno de Tomé, fai que todo cheire ou pinte mal”.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
