Cervo, 23 de xaneiro de 2025. O anuncio da sinatura dun memorando de entendemento entre o Ministerio de Industria, a Xunta de Galiza, Alcoa e IGNIS EQT sobre o fábrica de San Cibrao confirma a aceptación dos Gobernos español e galego da grave situación que se está a vivir no complexo industrial da Mariña.
O secretario xeral da CIG, Paulo Carril, lembra que “son xa moitos os meses que a dirección de Alcoa leva incumprindo o acordo de viabilidade, particularmente no referido aos investimentos na planta”. Por iso, para a CIG resulta especialmente grave que este memorando se asine de costas ao comité e aos sindicatos, despois dos chamamentos feitos polos traballadores e traballadoras á implicación das distintas administracións, das mobilizacións realizadas neste sentido, e incluso das proposicións aprobadas no Parlamento para garantir o cumprimento dos investimentos e o futuro do emprego tanto na empresa principal como nas industrias auxiliares.
“Por que, a diferenza do último memorando do ano 2021, o documento asinado estes días non é o resultado dun proceso de participación dos sindicatos e traballadores/as e as administracións públicas e a empresa fano de costas ao persoal e os sindicatos?”, cuestiona Carril. “Pretenden as administracións e Alcoa que o persoal, ao igual que fan os Gobernos, lexitimen o incumprimento que Alcoa está facendo do acordo?”, engade.
Lamenta que as administracións públicas, de forma parecida a como fixeron a comezos de 2019 cando o ERE da Coruña e Avilés, asuman como prioridade o plan de actuación de Alcoa “e non o que os traballadores e traballadoras están demandando dende hai meses, que non é outra cousa que o cumprimento do acordo ou unha solución que pasa pola intervención da SEPI”.
A CIG insta as administracións públicas a que reconsideren esta forma de actuar, que aposten por asumir as reivindicacións que o persoal leva meses facendo e que calquera futuro pasa pola materialización do acordo, así como que se cese na exclusión do comité de empresa e dos sindicatos.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
