Viveiro, 27 de xaneiro de 2025. Os grupos municipais do PSDEG-PSOE, BNG e Por Viveiro do Concello de Viveiro, no 75 aniversario do pasamento de Alfonso Daniel Rodríguez Castelao, asinaron unha declaración “para honrar a súa memoria e o seu compromiso absoluto con Galicia, así como reivindicar o inmenso legado artístico, cultural e político que nos deixou”.
Alfonso Daniel Rodríguez Castelao (Rianxo, 30 de xaneiro de 1886 – Bos Aires, 7 de xaneiro de 1950) é unha das figuras máis destacadas da historia contemporánea de Galiza. A súa traxectoria vital estivo marcada pola integridade ética, a loita contra as desigualdades e discriminacións, a defensa dos dereitos nacionais de Galicia e a súa militancia no internacionalismo solidario.
O pensamento e a obra de Castelao foron expresión dun compromiso político e social inquebrantable. Desde a súa incorporación ás Irmandades da Fala en 1916, seguiu, como el mesmo afirmou, “unha liña recta como a franxa azul da nosa bandeira”. A través da arte, da escrita e da palabra, dedicouse á denuncia das inxustizas, á defensa das clases populares e á construción de instrumentos políticos para o autogoberno do pobo galego.
Entre os seus fitos máis destacados están a súa participación na Asemblea Nacionalista de Lugo (1918), a creación da revista Nós (1920), a publicación de obras como Álbum Nós e Cousas, e o seu papel como líder do nacionalismo galego na II República. Foi deputado nas Cortes, fundador do Partido Galeguista e impulsor do Estatuto de Autonomía de Galicia, aprobado en plebiscito o 28 de xuño de 1936.
Durante a Guerra Civil, e xa desde o exilio, Castelao denunciou os crimes do fascismo con obras como os Álbumes da Guerra e dedicou os seus esforzos á defensa dos dereitos de Galiza e á solidariedade internacional. No exilio bonaerense, consolidouse como líder do galeguismo, publicando obras fundamentais como Sempre en Galiza (1944), e promovendo o Consello de Galiza, un goberno no exilio que simbolizaba a continuidade do proxecto galeguista.
Toda a súa vida e obra representan un legado político e cultural que o pobo galego debe preservar e divulgar, para que os seus ideais sigan sendo unha guía no camiño cara a unha Galiza xusta, solidaria e soberana.
Por todo isto, os Grupos Municipais de PSDEG-PSOE, BNG e Por Viveiro adhírense á conmemoración deste 75 aniversario e fan un chamamento a todas as entidades e á veciñanza para que participen activamente nas actividades programadas arredor da figura de Castelao durante este ano 2025.
“Animamos a popularizar a súa obra, dar a coñecer o seu pensamento e traballar para facer realidade os seus ideais de Galiza e República, avanzando cara a unha sociedade máis libre, xusta e solidaria”, recolle o manifesto.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
