Vergoñenta e lamentable, unha vez máis, a actitude do BNG no pleno do pasado martes. Solicitan a celebración dun pleno extraordinario cando acabamos de ter o pleno ordinario a semana pasada e non fixeron absolutamente ningunha pregunta sobre a poda e o mantemento das árbores.
¿Realmente o interese do BNG é polas árbores… ou o interese real é unicamente político e aproveitan de subirse a un carro que nin eles mesmos saben a onde os conduce? Este goberno fixo o que tiña que facer como xa o explicou en reiteradas ocasións. No colexio Gregorio Sanz, baixo informes técnicos, podouse o que había que podar e talouse o que estaba enfermo ou aínda non estando, representaba algún tipo de perigo ou danaba algunha estrutura. Canta preocupación mostra o BNG de repente por este centro… non mostraba tanta cando facía falta inversión de 1,6m€ para a súa reforma integral, dedicándose exclusivamente a cobrar a licenza. ¿Onde estaba cando houbo que cambiar o montacargas por un ascensor? Estaban poñendo paus nas rodas para evitar que unha administración investira no centro. As necesidades do alumnado non importaba. Daba máis rédito político o vitimismo.
Agora veñen “preocupándose” das árbores… demostran máis preocupación que cando eles talaron todas as que ían en liña co peche perimetral no momento de facer o campo de herba artificial!! Por certo, TALARON TODO SEN NINGÚN INFORME TÉCNICO!! Poden crelo? E tampouco se replantaron!! Eles os “defensores” da natureza e das árbores!! Non se nos ocorre pensar que os cortaron simplemente porque ó político de turno lle estorbaban…
E xa que estamos… ¿onde están os informes da tala indiscriminada no camiño do cemiterio? Tampouco fomos capaces de atopar ningún e dende logo á vista está que non foron sustituídos…
E cos da estrada do faro? Fixeron un carril bici que de verde ten a pintura e arrasaron con cada árbore que atoparon ao seu paso!! ¿informes técnicos? Pois tampouco!!
E recordan as antigas magnolias de San Roque? Aquelas tan bonitas e que tanto adornaban esa rúa? Os que xa temos certa idade, sí as recordamos… o mesmo que recordamos velas podrecer no aparcamento dos camións. Alí podreceron sen ningún tipo de pudor e que casualidade, sen ningún informe técnico que xustificara a súa morte…. Mágoa que non houbera unha Plataforma en Defensa das Árbores que velara pola integridade destes seres vivos…!!
Presumen de ter plantado non sabemos cantas árbores… non as contamos, pero o que sí lles podemos asegurar, é que foron plantadas sen criterio e sen ningún tipo de análise e por suposto sen ningún tipo de mantemento serio. Cortaban e plantaban segundo lles petaba e podaban cando lles estorbaban as canas.
Esa irresponsabilidade levounos, co paso do tempo a ter unha morea de árbores enfermas con necesidade de tratamentos e outros con menos sorte destinados á tala como lles vai pasar a unha palmeira do parque e a un castaño de indias, que despois de ser tratados, non se puideron recuperar, esa irresponsabilidade de facer por facer sen criterio ningún, levounos a ter unha morea de aceras levantadas por mor da raíz dunha árbore inadecuada para ese lugar e a ter moitas zonas escuras porque unha árbore tapa a luz da farola.
Nós vamos seguir actuando con criterio, responsabilidade e baixo informes técnicos, e vostedes que presumen tanto de ser de Ribadeo e de quererlle tanto, deberían deixar a demagoxia barata, chea de insultos, convertendo as sesións plenarias en auténticas feiras, que o único que fan é retractar, entre outras cousas, falta de argumento crible.
Sexan serios e póñanse a traballar dunha vez por todas. E non se preocupen que nós tamén somos de Ribadeo e querémoslle tanto ou máis ca vostedes. Xa pensan que teñen a patente do carné de galegos, non vaian caer na arrogancia de pensar que son máis ribadenses ca ninguén.
Ribadeo é unha vila que pide avanzar e ese é o carro ó que se deberían subir. ¡Alá vostedes e a súa demagoxia!!
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
