Ribadeo, 5 de febreiro de 2025. Acisa con amor é a campaña que a Asociación de Comerciantes, Industriais, Servizos e Autónomos de Ribadeo desenvolverá do 6 ao 16 de febreiro. Acisa sorteará dúas ceas para dúas persoas cada unha nos restaurantes San Miguel e Javier Montero e unha noite romántica no Parador de Turismo ribadense.
A presidenta de Acisa, Carmen Cruzado, dixo: “presentamos unha nova edición da campaña de San Valentín na que imos sortear dúas ceas para dúas persoas cada unha delas nos restaurantes Javier Montero e San Miguel así como unha estancia dunha noite romántica no Parador de Turismo de Ribadeo. Queremos que as persoas afortunadas celebren dun xeito especial o día dos namorados. Tras a campaña de Nadal e agora que estamos en plenas rebaixas, non nos podiamos esquecer de San Valentín, xa que as parellas de namorados aproveitan para facerse agasallos e para celebrar o amor. Para agasallar, xa saben que poden atopar todo o que precisan nos negocios de Ribadeo, que agardan contar coa súa fidelidade unha vez máis”.
O xerente de Acisa, Jesús Pérez, explicou que “a campaña desenvolverase do 6 ao 16 de febreiro no comercio asociado a Acisa Ribadeo. As persoas que durante este período de tempo realicen neles as súas compras poderán cubrir as súas papeletas para entrar no sorteo de San Valentín. Vanse repartir 9.000 papeletas nesta campaña, 1.000 mais que o ano pasado. O sorteo será non presencial o 19 de febreiro nas instalacións de Acisa, entre todas as rifas cubertas polos clientes que mercaran no comercio asociado nestes días, o sorteo será gravado en vídeo e colgado nas nosas redes sociais e os gañadores serán informados por teléfono do premio que lles correspondeu”.
Cruzado Iglesias engadiu que “animamos á nosa veciñanza a celebrar o amor en Ribadeo. A nosa hostalería xa ten preparados menús especiais con pratos moi orixinais e saborosos para estas datas, tanto o 14 de febreiro como durante toda esa fin de semana”. E tivo palabras de agradecemento: “quero agradecer a colaboración dos nosos asociados, os restaurantes Javier Montero e San Miguel e o Parador de Turismo, que nos doan estes importantes premios para a campaña de San Valentín de Acisa, que se poderán disfrutar segundo as condicións marcadas por cada establecemento”.
A campaña de San Valentín, organizada por Acisa coa colaboración da Xunta de Galicia, foi presentada nas instalacións da asociación ribadense coa asistencia de membros da directiva como Carmen Cruzado e Trinidad Otero e do xerente, Jesús Pérez.
Cursos para o comercio
Acisa Ribadeo xunto á Federación Galega de Comercio ofrecen cursos gratuítos subvencionados a todos os traballadores do comercio.
Carmen Cruzado, presidente de Acisa, indica que “a formación no sector comercial é algo esencial, para que Ribadeo siga sendo un referente no comercio de Galicia. Por iso, en colaboración coa Federación Galega de Comercio, imos ofrecer cursos a todos os traballadores e traballadoras do sector comercial ribadense”.
O xerente de Acisa, Jesús Pérez, sinala que “esta formación é completamente gratuíta porque está subvencionada polo Ministerio de Educación, FP e Deportes e non supón custo algún para os traballadores ou a empresa. Non consome créditos de formación (non é formación bonificada). Os traballadores poden inscribirse directamente sen necesidade de autorización da empresa, é dicir os empresarios de comercio non teñen que realizar ningunha xestión, nin notificar nada á administración. É en liña, flexible e sen horarios fixos, polo que pode realizarse fora do horario laboral. Para consultar os temarios e solicitar a praza nos cursos está dispoñible a ligazón directa á web: https://www.cursosfemxa.es/fgc-cursosgratis”.
E conclúe, “o temario que se ofrece é moi variado, desde cursos de Community Manager, contabilidade, inglés, A2 e B1, Marketing Dixital, paquete Office, Política e xestión informatizada de stock, redes sociais e márketing 2.0; … entre outros”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
