A Xunta de Goberno vén de aprobar a listaxe cos 132 colectivos que participarán este ano no programa de viaxes gratuítas que impulsa a institución provincial para incentivar o turismo de proximidade e apoiar aos sectores hostaleiro, turístico e comercial
Lugo, 14 de febreiro de 2025. A Xunta de Goberno da Deputación de Lugo aprobou este venres a listaxe de entidades admitidas na quinta edición do programa Coñece a túa provincia. Así o informou a Voceira socialista do Goberno e Deputada de Réxime Interior, Promoción do Territorio e Turismo, Pilar García Porto, que sinalou que este programa de viaxes gratuítas destinado a entidades sen ánimo de lucro que teñen a súa sede nalgún dos 67 concellos da nosa provincia “está a ser un éxito rotundo”.
“Desde que arrancou a iniciativa, no 2021, xa viaxaron pola provincia preto de 10.000 persoas, de 438 colectivos, e ten xerado un retorno económico de máis de 600.000€”, destacou García Porto. Subliñou que por quinto ano consecutivo quedan completas as prazas dispoñibles e hai listaxe de agarda, de feito, precisou, “as prazas esgotáronse en só 14 minutos”. A quinta convocatoria do programa Coñece a túa provincia ofrece un total de 3.036 prazas.
Aceptáronse 201 entidades que entran na listaxe de agarda e 37 solicitudes foron excluídas por non cumprir con algúns dos apartados da convocatoria. Ademais avanzou a Deputada que a relación de todas as solicitudes –admitidas, en agarda e non admitidas- publicaranse no Boletín Oficial da Provincia nos próximos días. A Deputada de Turismo valorou que “este é un programa que, como sabedes, puxemos en marcha dende a Deputación de Lugo para fomentar o coñecemento da nosa riqueza patrimonial entre os propios veciños e veciñas da provincia e, ao mesmo tempo, para incentivar o turismo de proximidade e apoiar ós sectores hostaleiro, turístico e comercial”.
Aplicación para a xestión tributaria e servizo de prevención
A Xunta de Goberno tamén adxudicou dous contratos, por unha parte o do mantemento da aplicación informática para a Xestión Tributaria, Recadación e Contabilidade á empresa Aytos Soluciones Informáticas SL, por un prezo de 76.422,95€ e unha duración dun ano. Tamén deu luz verde ao contrato do servizo de prevención alleo para as especialidades de seguridade no traballo e vixilancia na saúde e o apoio ao servizo de prevención propio da Deputación. A empresa adxudicataria é Vitaly Health Services SLU, por un prezo de 207.757,54€ e unha duración de dous anos sen posibilidade de prórroga.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
