Permíteme que comece co argumento dunha película de ciencia ficción de escasa relevancia que ten xa uns anos: un home chega á presidencia mundial despois de ser votado e elixido en democracia, en teoría ao menos, polas súas cualidades, pero despois de empregar moitos cartos na carreira presidencial. A Terra enfróntase a un desafío extraterrestre, e o Presidente decide apostar pola paz, aínda tendo á súa disposición armas que quizais puideran deter o ataque. Cando os extraterrestres sobrepasan as últimas defensas ante a inacción da humanidade, maniféstase o auténtico ser do Presidente: é un extraterrestre camuflado.
É certo que Elon Musk non foi elixido presidente de nada, senón nomeado brazo dereito de quen si foi elixido doando moitos cartos á campaña, pero xa antes da elección manifestouse case como co-electo, un dos piares do actual Presidente. Por outra banda, o título deste artigo remite tamén á ‘lección’ que poderiamos sacar dunha persoa que, polo poder que lle dá a súa fortuna, mesmo antes de verse incrementado polo nomeamento gobernamental oficial (e o máis poderoso ‘nomeamento’ non oficial de ‘amigo de confianza’), ten coqueteado coa posibilidade de ir vivir a Marte entre outras moitas extravagancias e extremismos. Ou sexa, de ser un marciano, un extraterrestre, como na película comentada. Alguén a quen non lle afectan as cousas humanas porque dalgún xeito, está por riba. Ou, como outra cara que será difícil que vexa, inhumano.
De calquera xeito, postos os antecedentes -amplamente coñecidos, polo demais- e volvendo ó título, coido que poderiamos sacar máis dunha lección da actuación de Elon Musk. Así, un par de exemplos tomados das últimas novas relacionadas con el. Unha: “Musk’s X suspends opposition accounts in Turkey amid civil unrest” (en ‘Politico’), na que se manifesta a colaboración dunha rede social propietaria aínda amplamente usada, mesmo polos nosos gobernantes, cunha persecución política nun país alleo -aínda que o de ‘alleo’ sexa o de menos- por mor das ideas do seu propietario principal. Outra, o ‘aviso’ de retirada da cobertura internet que proporciona a rede de satélites de Starlink a Ucraína (e ó seu exército, que a emprega como unha ferramenta fundamental para a súa defensa) se Zelenski e Co. non ‘son bos’, é dicir, se non aliñan a súa política cos desexos de Elon, tamén propietario desa compañía espacial. É dicir, esquécete do que se chamaba ‘capitalismo de cara amable’ e se miraba con algo -ás veces, pouco, mesmo ningún- de receo; estamos en tempos nos que o capitalismo ten o control, tempos do feudocapitalismo (ou capitalismo de estilo feudal), ou mellor, do ‘capitalismo mafioso’, mafiocapitalismo, que emprega métodos mafiosos para impoñer o que quere quen ten o capital. Non se trata de competencia de sistemas socioeconómicos, como da que podería falarse na guerra fría, senón da apropiación dun sistema para asoballamento da sociedade enteira. Adeus, solidariedade, comunidade, humanidade…
Que pode ter que ver isto, sabido a nivel mundial, con Galicia ou unha pequena vila das nosas? A primeira resposta sería: é que Galicia, unha pequena vila ou ti máis eu non estamos no mundo? É que polo momento non tes liberdade para votar, aínda que sexa polo que consideras menos malo en troques de polo mellor? É que non segues a ter dependencia desas redes que contribuíches a facer medrar, que te sacaron información e que agora ves un fastidio abandonar porque aí están todas as persoas coas que te relacionas? É que non estás a depender en maior ou menor grao duns servizos que son públicos? En fin, quizais deberamos pensar se a elección da liberdade non está relacionado co ter unha autonomía respaldada, coa tranquilidade que dá o poder dispoñer dunha solidariedade dentro da comunidade. É dicir, algo ben diferente de estar illado no mundo e ter que seguir a liberdade de quen se autoproclame líder apoiado no poder dos cartos (ou outro poder, que como poder, rematará estando relacionado).
Propoño un exercicio final de empatía. Pensaches algunha vez como se foses Musk? Ou no que pensaría Elon de estar na túa pel? Adícalle un momento a iso…
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
