Os populares inciden en que “non fixeron nada nestes sete anos de Goberno de Sánchez pola autovía A-74” e piden que, “polo menos, conserve en boas condicións a estrada nacional”
A Mariña, 28 de marzo de 2025. José Manuel Balseiro advirte que, atendendo á resposta do Executivo ás preguntas oficiais dos senadores do Partido Popular en relación ao estado do firme da estrada N-642, “o Goberno de Sánchez non ten previsto acometer ningún tipo de mellora”; a pesar do estado que presenta nas variantes de Burela e Foz. Neste último caso, “é especialmente deficiente”. Incluso, entre a rotonda de Vilaxoane e Fazouro, incluído o tramo que discorre por diante do polígono, presenta parches mal feitos, baches e zonas co firme esmagado; polo que “require unha actuación urxente”.
Ante as explicacións que formularon por escrito os representantes do PP lucense no Senado sobre a previsión do Goberno para corrixir a situación do asfalto nas variantes, con que características e en que prazos; o Executivo asegura na súa resposta que tras acometer obras de rehabilitación do firme entre o p.k. 26,950 e o p.k. 28,800 e do p.k. 36,500 ao p.k. 55,000 “o estado de conservación da N-642 é, en xeral, correcto”.
O senador popular mariñán acusa ao Goberno de Sánchez de “rirse dos veciños da Mariña porque dan a entender que está en perfectas condicións cando calquera veciño e veciña da comarca pode comprobar a diario o estado da vía e das variantes de Burela e Foz”.
O portavoz do PP en Foz, Javier Castiñeira, cre tamén que a resposta do Goberno é “un insulto á intelixencia dos focenses” porque dicir que “a estrada está en perfectas condicións é un dato absolutamente falso”.
O portavoz popular en Foz asegura que son moitas as queixas tanto de veciños como de usuarios ante “os centos de parches mal feitos: Xa non é que o digan todos os focenses, senón que o di todo o mundo que pasa por esta estrada” e son “miles os vehículos que pasan pola variante de Foz”.
“Fixéronse pequenas obras, pero non é suficiente”. E engade que “vimos dun inverno duro e a estrada presenta baches en formación. Imos cara ao verán que é unha época de máis tráfico, con máis turistas e a imaxe vai ser lamentable” á vista de que “o Goberno de Sánchez non ten intención de mellorar a variante”.
SEN AVANCES NA A-74
Balseiro incide en que “non só non fixeron nada nestes sete anos de Goberno de Sánchez pola autovía A-74, senón que son incapaces de conservar en boas condicións a estrada nacional” que vertebra a costa da Mariña e constitúe a principal vía de comunicación co hospital público, o porto de Burela ou a planta de aluminio de Alcoa.
O portavoz popular de Foz indica que “está claro que os socialistas seguen co abandono ás estradas da Mariña. Practicamente non hai avances na A-74 e, polo menos, pedimos que estea en boas condicións a N-642 que actualmente, ao seu paso por Foz, causa molestias a veciños e usuarios”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
