Os traballos de acondicionamento da Praza da Atalaia seguirán adiante en canto chegue o informe técnico estrutural sobre o esqueleto e determine se os cimentos son aptos ou non para o seu aproveitamento
Cervo, 21 de marzo, 2025. O Concello de Cervo segue a traballar na mellora integral da zona do Porto de Arriba, en San Cibrao, como un dos lugares máis emblemáticos do noso Concello.
Tal e como explicou a alcaldesa, que se achegou ata a zona coa concelleira de Obras, Mali Méndez, estamos centrando esforzos e fondos públicos para poñer en valor toda esta contorna, este recuncho de San Ciprián cheo de historia e de beleza natural, que nos recorda a estreita relación que temos co mar, que é a nosa herdanza mariñeira.
Neste senso, recordou que días atrás xa se traballou na reparación e mellora da accesibilidade na contorna da Estrada do Faro.
En concreto, investimos preto de 20.000 euros, na mellora dos accesos peonís desta zona, coa construción dunha nova escada e a instalación dunha varanda para mellorar a estética e a seguridade en toda este espazo público apostando porque sexa “un espazo funcional e accesible para a veciñanza”.
Ademais, tamén realizarnos unha limpeza integral das rúas e renovamos e substituímos varias reixas para a recollida de augas pluviais.
Son traballos que forman parte dun proxecto integral moito máis amplo, -explicou- que contempla a creación dunha zona de aparcamentos ao aire libre integrados na contorna e tamén a rehabilitación do mirador da Atalaia, un lugar impresionante desde o que poder contemplar, reflexionar e conectar coa beleza de San Ciprián. Neste senso a posta en valor deste elemento é un paso máis no noso compromiso co desenvolvemento sostible e a conservación do noso patrimonio.
Caramés tamén desengranou que dentro deste proxecto de renovación tamén se está valorando a creación dun parque de calestenia na contorna, un espazo único que combinaría natureza, convivencia e deporte nun dos lugares abertos e acolledores máis privilexiados que temos, favorecendo a práctica dunha disciplina que non só fomenta o benestar físico, senón tamén a conexión entre as persoas. Trátase dun proxecto moi bonito para crear un punto de encontro para os máis novos, adultos e familias que queiran manterse activos mentras desfrutan dunhas vistas espectaculares que nos ofrece a nosa costa.
A alcaldesa incidiu en que seguimos apostando pois pola creación de espazos públicos que melloren a nosa calidade de vida, como por exemplo tamén a Praza da Atalaia que está en proceso de acondicionamento. Unha obra cuxo remate está condicionado á recepción do informe técnico estrutural do esqueleto que hai na zona, que determinará se os cimentos son ou non aptos para a súa reutilización como edificación.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
