O conxunto mariñao aspira á oitava Copa de Galicia tras vencer ao Marín Futsal esta tarde a pesar de sufrir 3 baixas de última hora
Burela, 4 de marzo, 2025. O conxunto feminino do Burela FS volveuse a enfrontar ao Ence Marín Futsal tres días despois do partido de liga da xornada 22, nesta ocasión, no encontro da semifinal da XVIII Copa de Galicia, celebrada ás 21.00h da tarde no pavillón municipal A Raña de Marín. Tras sufrir tres baixas de última hora, Dinha, Caridad e Cami, sumándose ás baixas xa previstas (Carolina Pedreira e Irene Samper), o conxunto mariñán dominou o encontro non dando tregua ás locais e indo ao descanso cun 1-3 nunha primeira parte na que o Marín perde máis que gaña xogando de cinco durante os segundos 10 minutos. Segunda parte con moita posesión do balón para o Burela aínda que menos goles.
Arrinca cun xogo máis igualado e manténdose o marcador durante os primeiros 10 minutos. Téntao o conxunto de More con xogo de 5 para catro, con Miriam de porteira-xogadora, intentando conseguir o primeiro gol antes do descanso, pero no minuto 12 Patricia róubaa e anota o 0-1 a portería baleira. Tras un dobre bloqueo de Ana Eliza nun ataque de 5 para 4 do Marín chega o segundo, da mellor xogadora do mundo e pichichi da liga, Emilly Marcondes, que regatea a defensa marinense e pica o balón por encima de Pinto anotando outro golazo para o seu palmarés. A dous minutos do descanso Cris Lourés consegue o 0-3 cun disparo raso cruzado que se coa na portería local. Tras a quinta falta do Burela, no minuto 19, as locais conseguen recortar distancias e un punto de esperanza antes do descanso anotando o 1-3, un gol de Gi Portes con xogo de 5.
A segunda parte comeza o xogo máis acougado, con xogo de balón, posesión do Burela, pero poucas ocasións, aínda que o adestrador do conxunto local opta por probar con xogo de cindo nas primeiras xogadas. O 1-4 será un golazo de Dany que regatea á súa marca, avanza e realiza un disparo raso de 10. Volve sacar More o xogo de 5 con Miriam de porteira-xogadora para os tres últimos minutos de xogo e case o consegue no 38 cun balón que pasa polo segundo pau pero que Morgana non logra materializar en gol. Remata o encontro cun resultado final 1-4.
Tras esta vitoria e a do Castro, que se enfrontou ao Poio Pescamar na outra semifinal, esta mesma tarde ás 20.30h, gañando por 4-1 na súa cancha, poderemos vivir a primeira final lucense de Copa de Galicia da historia, que se celebrará o día 17 de abril entre o FSF Castro Bloques Cando e o Burela FS e ao que nosas Pícaras irán convencidas a gañar o seu primeiro título da tempada.
Ficha Técnica Ence Marín Futsal 1-4 Burela FS
Ence Marín Futsal (1): Pinto; Patri Corral, Café, Gi Portes, Guida -quinteto inicial-, Miriam, Morgana, Lucía, Paula, Carol Agulla, Daniela, Aitana, Patri (ps).
Burela FS (4): Ana Eliza; Noelia Montoro, Antía Pérez, Débora, Emilly -quinteto inicial-, Cilene, Dany, Cris Lourés, Patricia.
Goles: 0-1, min. 12: Patricia. 0-2, min. 13: Emilly. 0-3, min. 18: Cris Lourés. 1-3, min.20: Gi Portes. 1-4, min.29: Dany.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
