Burela, 14 de abril, 2025. AFAN Burela pon en marcha “Xermolo”, un novo programa de estimulación cognitiva dirixido a persoas con diagnóstico precoz de enfermidade de Alzheimer ou outras demencias.
A atención temperá ás persoas con diagnóstico precoz de alzhéimer e outras demencias, é fundamental para atrasar o avance da enfermidade e manter a súa autonomía. A pesar do aumento da prevalencia destas patoloxías, cada vez en persoas máis novas, os recursos de estimulación nas fases iniciais seguen a ser limitados, dificultando a intervención precoz. Por iso, faise imprescindible crear servizos específicos adaptados tanto á fase inicial como ás necesidades das persoas diagnosticadas antes dos 65 anos, ofrecendo atención profesionalizada e individualizada tanto ás persoas afectadas como ás súas familias, para mellorar a súa calidade de vida nun momento clave da enfermidade.
A Asociación de Familiares de Enfermos de Alzheimer e Outras Demencias (AFAN) de Burela anuncia a posta en marcha do Programa “Xermolo”, unha iniciativa dirixida a persoas de 55 anos ou máis con diagnóstico precoz de Alzheimer ou outras demencias. O obxectivo fundamental deste proxecto é a preservación das capacidades cognitivas e funcionais das persoas usuarias mediante intervencións especializadas, favorecendo a súa autonomía o maior tempo posible e mellorando a súa calidade de vida.
O programa desenvolverase no centro que AFAN Burela ten ubicado na Rúa Camiño Real, 44, Baixo, e contará cun equipo multidisciplinar de profesionais especializados en demencias, responsables da planificación e execución das diferentes actividades. A metodoloxía de traballo incluirá exercicios de estimulación cognitiva, dinámicas específicas para reforzar a memoria, a atención e outras funcións executivas, así como, a implementación de estratexias orientadas á promoción da autonomía na vida diaria e á participación e integración social entre iguais. Ademáis, establecerase un sistema de seguemento individualizado co fin de avaliar a evolución de cada participante e adaptar as intervencións segundo as súas necesidades.
Información do programa:
Localización: Rúa Camiño Real, 44, Baixo.
Horario: Luns/Mércores/Venres (10:00h -11:30h /11:30h – 13:00h)
As persoas interesadas poden obter máis información ou concertar unha cita previa a través dos teléfonos 982 580 610/ 648 019 549 ou do correo electrónico: tics.afanburela@gmail.com
Con esta iniciativa, AFAN Burela reforza o seu compromiso coa mellora da atención ás persoas con Alzheimer ou outras demencias en fases iniciais, proporcionando un espazo de intervención estruturado, baseado na evidencia científica e adaptado ás necesidades específicas deste colectivo.
O prazo de inscrición permanecerá aberto entre o luns 28 e o mércores 30 de abril. Os interesados poden apuntarse na Secretaría do Conservatorio ou a través do número de teléfono 982 560 486.
A organización estima que se porán á venda unhas 18.000 filloas ao longo do día. Este ano ofreceranse tamén ao público filloas sen glute e haberá degustacións do produto acompañado de crema de cacao, nata ou mel. Unhas 145 persoas colaborarán durante toda a xornada para celebrar a festa, impulsada pola mesma comisión organizadora da Moexmu 2025.
A Deputación achega 50.000€ ao Concello de Vilalba para a organización deste evento. O festival, que agarda recibir este dous días a milleiros de persoas, contará con artistas de renome como Varry Brava, Joe Crepúsculo, Shinova, León Benavente e The Rapants, entre outros. Pablo Rivera destacou a importancia do evento, que se celebra desde 2008, e subliñou que “o FIV é unha cita consolidada no panorama musical da comarca e da provincia, e desde a Deputación queremos continuar a apoiar este evento cultural, que tamén repercute positivamente na economía local”.
As crianzas de 3 a 6 anos, poden facer o seu marcapáxinas orixinal. As crianzas de 7 a 11 anos, deben continuar o relato que se inclúe no cartaz. As persoas de 12 anos en diante, poden escoller entre contar unha anécdota familiar ou seguir a historia que aparece no cartel. O prazo remata o 30 de abril para presentar os traballos a través do correo prensa@concellodecervo.com ou por whatsapp ao 683315939.
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
