O senador defenderá unha iniciativa na Cámara Alta para esixir ao Goberno de España cumprir coa súa competencia en materia de telecomunicacións; xa que “é competencia súa ao 100% como lles trasladou a Valedora do Pobo ás asociacións destas parroquias”
Lugo, 23 de abril de 2025. José Manuel Balseiro advirte que “o Goberno de Sánchez non ten previsto garantir a conectividade nas parroquias de Cervo” á vista da resposta ás preguntas formulada no Senado polos representantes do PP lucense -José Manuel Barreiro, José Manuel Balseiro e Juan Serrano- en relación ás medidas que tiña previstas o Executivo para resolver as deficiencias denunciadas polos veciños das parroquias da Senra, Trasbar e Castelo.
O senador cervense trasladaba esta pregunta na Cámara Alta a petición da alcaldesa de Cervo, Dolores García, para interesarse pola situación da conectividade no municipio, as áreas de cobertura e os prazos nos que se estendería o servizo de comunicacións móbiles e de Internet para permitan aos veciños e veciñas desenvolver os seus traballos e outras xestións evitando, ademais, desprazamentos innecesarios.
Balseiro incide en que “a competencia en materia de telecomunicacións é 100% do Goberno de España”, como así llelo trasladou a Valedora do Pobo ás asociacións da Senra, Trasbar e Castelo. Tendo en conta que coa súa resposta “o Goberno de Sánchez non concretou medidas para resolver as deficiencias dos nosos veciños e veciñas en materia de comunicacións móbiles e de Internet”, o senador popular defenderá unha iniciativa na Cámara Alta para esixirlle “garantir de inmediato a cobertura móbil e o acceso a fibra óptica” no Concello de Cervo.
O popular indica que “a pesar das reiteradas promesas do Goberno de España de estender as comunicacións móbiles e de internet, o certo é que grandes áreas do rural seguen sen estes servizos e sen prazos concretos e realistas para o seu acceso”.
E engade que “a situación é especialmente paradoxal tendo en conta que ministerios como o de Transición Ecolóxica e Reto Demográfico e o de Transformación Dixital e Función Pública xestiona inxentes cantidades de fondos europeos destinados á conectividade e, en particular, á extensión das redes no rural lucense”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
