O eurodeputado exemplifica coa factoría de Alcoa a necesidade de reimpulsar a industria electrointensiva propia
EP Plenary session – Energy-intensive industries
Bruxelas, 2 de abril, 2025. O eurodeputado socialista galego, Nicolás González Casares, advertiu hoxe que a seguridade europea está directamente ligada á capacidade industrial do continente, especialmente á produción estratéxica de materiais como o aluminio e o aceiro. “Non pode haber seguridade europea se non temos capacidade propia para producir estes metais”, afirmou durante unha intervención no pleno do Parlamento Europeo centrada nos desafíos da industria intensiva en enerxía.
González Casares puxo como exemplo o caso de Alcoa, en San Cibrao, onde a produción de aluminio está parada, reflectindo unha tendencia xeral preocupante: máis do 50% da capacidade de produción de aluminio primario está inactiva en Europa desde 2021. “Non é casualidade: o 40% do custo da produción de aluminio primario depende do prezo da electricidade. Sen enerxía estable, a prezo estable e accesible, non haberá aluminio competitivo en Europa”.
O eurodeputado advertiu das consecuencias desta situación: “Sen aluminio e aceiro europeos, non poderemos fabricar barcos, avións ou coches en Europa”. Por iso, subliñou que unha das premisas fundamentais para recuperar e manter esta capacidade industrial é avanzar na transición enerxética baseada nas renovables. “Aqueles que din sempre non ás renovables tamén están dicindo non a ter unha industria competitiva para o aceiro ou o aluminio en Europa”.
O socialista puxo en valor o potencial que ten Galicia, aludindo especificamente á comarca da Mariña con Alcoa á cabeza, para liderar a recuperación da tan necesaria capacidade industrial. “O papel que pode xogar a provincia de Lugo no liderado industrial é importantísimo, apoiémolo”, engadiu.
“Protexer a nosa industria é tamén protexer a nosa seguridade e a nosa capacidade de decisión. Iso pasa por enerxía limpa, prezos xustos e políticas industriais valentes. A transición enerxética xusta cara ás renovables e á competitividade son dúas caras da mesma moeda. Calquera volta atrás será un erro garrafal, tamén para estas industrias”, incidiu.
Ademais, González Casares defendeu a necesidade de desacoplar os prezos da electricidade dos prezos do gas, apostar decididamente polos contratos por diferenza (CfD) e os contratos de compra de enerxía bilaterais (PPA) que achegan estabilidade ao sector, e reforzar o papel do mecanismo de axuste en fronteira (CBAM) e as salvagardas industriais. Neste sentido, advertiu das ameazas externas, como os novos aranceis anunciados por Donald Trump nos Estados Unidos, “que tanto aplaude a ultradereita europea”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
