Ribadeo, 3 de abril de 2025. O auditorio municipal Hernán Naval acolleu o evento Ribadeo 20/25 para celebrar o vinte aniversario da declaración de Ben de Interese Cultural e o vixésimo quinto da declaración de destino turístico.
Houbo amenización musical, agasallos conmemorativos así como a proxección dun vídeo con todas as potencialidades turísticas de Ribadeo.
Interviñeron no acto as concelleiras de Cultura e de Turismo, Begoña Sanjurjo e Marta Saiz, así coma os ex rexedores Balbino Pérez Vacas e José Carlos Rodríguez Andina, artífices das declaracións conseguidas hai 20 e 25 anos para Ribadeo. Ademais tivo lugar unha mesa redonda na que participaron os alcaldes dos 7 Concellos declarados Destino Turístico de Galicia hai 25 anos: A Pobra de Trives, Leiro, Monterrei, Sanxenxo, Baiona, Mondariz-Balneario e Ribadeo. Todos felicitaron ao anfitrión pola organización do acto. E cada un fixo promoción do seu municipio.
Pecharon o acto Ribadeo 20/25 o alcalde ribadense, Dani Vega, e o presidente da Xunta, Alfonso Rueda. Ao final houbo foto de familia á que se uniu o condutor do evento, o xornalista ribadense Fabián Pérez.
Veciñas e veciños de Ribadeo acudiron ao auditorio municipal esta mañá xunto a representantes dos Concellos limítrofes, da Xunta, da Deputación de Lugo, do Parlamento de Galicia, da confraría de pescadores de Ribadeo, do xulgado de paz, de Acisa Ribadeo e dos centros de ensino, entre outros.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
