O Partido Popular lamenta que esta falta de planificación traerá graves e irreparables prexuízos para Foz, tanto en termos de mobilidade como de seguridade viaria
Foz, 28 de abril de 2025. O Partido Popular de Foz solicita a convocatoria urxente dunha reunión dos voceiros municipais coa Policía Local e cos técnicos redactores do Plan de Mobilidade, tras os problemas derivados dos recentes cambios no tráfico do núcleo urbano.
“Estamos seguros de que o cambio a un único sentido da Rúa Corporacións vai traer máis problemas ao xa caótico tráfico de Foz”, advirte o voceiro popular, Javier Castiñeira, que tamén critica a “terquedade do alcalde Cajoto e a mala coordinación das obras”, factores que “están provocando o cabreo masivo de focenses e visitantes, que teñen que dar varias voltas para poder entrar ou saír da vila”.
O PP advirte que esta modificación saturará rúas de saída como a Rúa do Mar e a Rúa Constitución, vías estreitas que atravesan o casco antigo e onde reside unha poboación maior. “Estes cambios son especialmente perigosos os martes de mercado, cando non hai saída cara a Ribadeo polo porto e o tráfico desvíase pola estreita Rúa Paco Maañón, onde está situada a entrada ao Colexio Martínez Otero”, engade o Javier Castiñeira-
O PP critica que non se tiveron en conta as alegacións presentadas por máis de 500 veciños sobre o cambio en Corporacións, nin as demandas dos residentes na Praza de Galicia, afectados polas obras do Barrio das Casas Baratas, que acumulan máis de dous anos de atraso e provocan a perda de prazas de aparcamento. Tampouco se escoitou á Policía Local nin aos profesionais das autoescolas, que ao igual que o Partido Popular e o BNG, mostraron o seu rexeitamento aos cambios. Polo tanto, o voceiro popular acusa ao goberno local de actuar “de maneira unilateral e sen escoitar a ninguén”, e de coincidir “varias obras ao mesmo tempo sen organización algunha”.
O Partido Popular lamenta que esta falta de planificación traerá graves e irreparables prexuízos para Foz, tanto en termos de mobilidade como de seguridade viaria. “Xa advertimos no último pleno da necesidade urxente de repintar os pasos de peóns en Foz, que levan anos sen manterse ou foron eliminados polas obras, como sucede na Avenida da Mariña”, sinala Javier Castiñeira.
Desde o PP insisten na necesidade de escoitar aos veciños e aos profesionais antes de seguir avanzando nun Plan de Mobilidade que, tal como está sendo implantado, supón un grave risco para o benestar e a seguridade de Foz.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
