Burela, 3 de maio, 2025. O conxunto feminino do Burela FS disputou este mediodía a semifinal da Copa da Raíña noutro derbi galego, o xa clásico Derbi dás Costas, ante o Poio Pescamar FS. Partido moi competido no que a calidade do futsal galego se mostrou en pista cun partido que se resolve ao final da segunda parte.
Arrinca o derbi con ocasión a segundos do comezo, Elena desvía un remate de Noelia Montoro a pase de Dinha que puido ser o primeiro tanto do partido. Continúa o xogo con ocasións por parte de ambos os equipos, no 3 Caridad salva un lanzamento de Ale de Paz e dobre parada de Elena a dous potentes disparos de Emilly no 6. Paradón de Elena no 9 que desvía un disparo cruzado directo nunha falta perigosa que executa Emilly con moita puntería. Un minuto despois váiselle por preto do segundo pau a Ale de Paz nun disparo cruzado. Poucas finalizacións nos próximos minutos, con moito xogo de control, xogo parello no que ningún dos dous equipos logra chegar a portería. Atrapa o balón Caridad a un disparo de Elena Aragón tras unha transición noutra frustrada ocasión das mariñás. Poucas ocasións máis e unha última de Emilly cun disparo afastado que se vai por encima da portería.
Comeza a segunda parte e primeira ocasión clarísima no minuto 3 cun pau de Emilly que se zafa da defensa rival e dispara con moita precisión, potencia e axilidade de lonxe. Unha das ocasións máis claras do partido, lánzaa fóra Candela dende case a liña de meta nun rexeite tras unha carreira pola banda e disparo de Ale de Paz que detén Caridad no minuto 26. Defensa férrea por parte das pontevedresas que frustran o caracter ofensivo do Burela. Saque de banda para o Poio que saca co pé cun disparo raso directo a portería que se coa entre a defensa das de Julio Delgado atopándose con Caridad, que non logra atrapar o balón, aproveitando Laura Uña o rexeite dende o segundo pau e anotando o 1-0. Volve tela Laura Uña no 31, nun contragolpe tras unha perda de Antía, chegando a xogadora cántabra que non logra definir con precisión mandándoa fóra. E chega o empate dous minutos despois cun trallazo de Dany desde a área nun rexeite tras un disparo afastado de Antía Pérez. Adiántase, tras moito afán, o Burela cun golazo de Emilly nunha xogada individual incrible pola frontal da área índose da defensa pontevedresa e realizando un disparo escorado de 10 que fulmina a portería. Presionan as de López-Tulla con xogo de 5 con Chuli de porteira-xogadora, presionando a partir do minuto 38. Pau no 39 tras un disparo longo de Cami a portería baleira. Aparece Caridad no último minuto desviando a córner o balón tras un disparo de Chuli desde a frontal.
O Burela clasifícase para a final da Copa da Raíña, que se disputará mañá no mesmo pavillón ás 16.00h ante o clasificado da primeira semifinal, o Melilla Ciudad do Deporte Torreblanca, que superou ao FSF Castro Bloques cando nos penaltis cun resultado final (4)(2-2(3), repetíndose a final da Supercopa. O encontro será retransmitido a través da canle pública Teledeporte.
Ficha Técnica Poio Pescamar FS 1-2 Burela FS
Poio Pescamar FS (1): Elena; Élia, Laura Uña, Martita, Elena Aragón –cinco inicial-, Ale de Paz, Irene, Candela, Chuli.
Burela FS (2): Caridad; Dany, Dinha, Noelia Montoro, Emilly -quinteto inicial-, Cilene, Patricia, Cami, Carolina Pedreira, Débora, Antía Pérez.
Goles: 1-0, min. 31: Laura Uña. 1-1, min. 33: Dany. 1-2, min. 36: Emilly.
Árbitros: Mayra Araújo, Lidia Crespo Pardo, Marta Garvalena Crespo, Lucía Guillén Lahoz, Julia García Olivares
TA: Por parte do Poio Pescamar FS, Ale de Paz. Por parte do Burela FS, Patricia.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
