Navia, 20 de maio de 2025. O Concello de Navia, a través da súa Área de Servizos Sociais e en coordinación coa Asociación Accem, continúa ofrecendo o Punto de Información ao Inmigrante, un servizo que ten como obxectivo acompañar e asesorar ás persoas de orixe estranxeira no seu proceso de integración.
Este recurso, totalmente gratuíto e confidencial, préstase no Centro Municipal de Servizos Sociais de Navia (R/ Antonio Fernández Vallina nº6 – Planta 1ª, á esquerda, Sala 2), con atención presencial os mércores en horario de 10:00 a 14:00 horas, nas datas indicadas para o ano 2025.
Que ofrece este servizo?
Información e asesoramento sobre o marco lexislativo, administrativo e laboral.
Apoio na interpretación das claves culturais da sociedade de acollida.
Acompañamento na comunicación interlingüística.
O servizo, que funciona en Navia desde 2023, está xestionado por profesionais especializados da entidade Accem, cunha ampla experiencia en atención a persoas inmigrantes.
Calendario de atención 2025:
11 de xuño
16 de xullo
13 de agosto
10 e 17 de setembro
15 de outubro
5 e 19 de novembro
17 de decembro
As persoas interesadas en recibir atención poden solicitar información ou cita previa a través do teléfono do Centro de Servizos Sociais: 985 47 33 00.
A concelleira responsable de Servizos Sociais, Ana Belén González, destacou a importancia deste recurso “como un punto de apoyo cercano y especializado que ayuda a muchas personas a desenvolverse con seguridad en su nueva realidad”. Asemesmo, subliñou “el compromiso del Ayuntamiento de Navia con la inclusión, la igualdad de oportunidades y la convivencia en diversidad”.
Este servizo representa un compromiso firme do Concello de Navia coa integración, a convivencia e o benestar de toda a cidadanía.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
