O PP lucense “esixe ao Goberno de Sánchez que explique con transparencia á cidadanía e ás empresas sobre as razóns do apagamento á vista das súas consecuencias para a factoría que xera arredor de 1.000 empregos -directos e indirectos- na Mariña”
Xove, 15 de maio de 2025. O PP lucense reclama ao Goberno de Sánchez “garantir a estabilidade na enerxía” porque “é o único xeito de ofrecer fiabilidade á industria”. Representantes do Partido Popular da provincia subliñaron que “a incapacidade do Goberno de España para dar estabilidade á conexión eléctrica afecta, especialmente, á industria electrointensiva” como é a planta de Alcoa na Mariña.
Os populares amosan a súa preocupación ante o anuncio da interrupción do rearranque das cubas de aluminio ata coñecer as causas do apagamento e que o Goberno garanta o subministro eléctrico.
Nese sentido, comparecendo en rolda de prensa, insistiron en que “levamos moito tempo advertindo que é imprescindible que o Goberno de España favoreza un marco enerxético estable” para garantir a actividade de Alcoa e, polo tanto, “manter os postos de traballo”.
“O maior problema da industria en España -e máis aínda no caso da electrointensiva- é a rede de transporte eléctrico”, apuntaron. Nese sentido, consideran que “hai que investir e facer planificacións máis rápidas e que se adapten á electrificación que está levando a cabo a industria”.
“O Goberno central non está cumprindo nin sequera os obxectivos de investimento en redes que están no Plan Nacional de Energía y Clima (PNIEC)”, explicaron e advirten que “o aumento de xeración renovable debe ir acompasado co reforzo da rede, e cun apoio de sistemas de almacenamento”.
Tamén defenderon os populares que a estabilidade da rede eléctrica é clave para manter e atraer novas inversións. “É un grave perigo para a estabilidade dos investimentos e o emprego en España que os empresarios non nos vexan como un país fiable porque non podemos ofrecer o esencial: estabilidade na enerxía”.
Así, inciden en “esixir ao Goberno de Sánchez que explique con transparencia á cidadanía e ás empresas sobre as razóns do apagamento á vista das súas consecuencias para a factoría que xera arredor de 1.000 empregos -directos e indirectos- na Mariña.
Unha boa parte das 41 cubas que estaban en funcionamento o pasado 28 de febreiro sufriu as consecuencias da falta de enerxía durante máis de 8 horas; xa que se solidificou o metal que contiñan. Os empregados lograron salvar 14 polo que “dende o PP de Lugo nos sumamos ao recoñecemento á súa profesionalidade e dedicación”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
