Os populares afean que “a rexedora socialista queira apropiarse de méritos sen merecelo” ao dar a entender que a visita dos reis foi froito da súa xestión, “cando a iniciativa foi da propia Casa Real”
Burela, 25 de xuño de 2025. “Parte dos méritos gañados a pulso pola señora López Moreno no que vai de mandato en Burela son a suba constante de impostos e taxas e o incumprimento sistemático de ordenanzas e lexislación vixente, algo inaudito no noso Concello e que pon de relevo a súa forma de gobernar”, expón o portavoz do Partido Popular, Manuel Rouco.
“Eses si que son méritos seus e non outros dos que se quere apropiar sen merecelo”, subliña en referencia á visita dos reis a Burela sobre a que “a alcaldesa da a entender que foi froito da súa xestión, cando a iniciativa foi da propia Casa Real”.
Despois desta “histórica visita na que tivemos a oportunidade de participar” e o fatal accidente en plenas patronais que causou un profundo pesar na vila; “volvemos á triste realidade do día a día de Burela”.
Como xa advertiran os concelleiros do Grupo Municipal Popular no 2023, “os veciños e veciñas temos que soportar unha carga impositiva cada vez maior con este goberno” como a suba nun ano do 19% na taxa da auga ou da taxa do sumidoiro.
“Outro dos tristes méritos da señora López Moreno son os incumprimentos económicos que lle corresponden ao Concello de Burela” como “o incumprimento da regra de gasto que superou o cálculo básico en 2M€”.
Á vista de que “non existen grandes obras en Burela nas que se poida apreciar en que se gastaron eses 2M€ a maiores do que estaba permitido por lei”, o PP preguntou no Pleno en que investira o goberno bipartito eses cartos sen obter resposta. Os populares condenan a xestión da alcaldesa que é a responsable, precisamente, da área económica no goberno da Deputación de Lugo.
O portavoz popular engadiu tamén “o constante incumprimento das ordenanzas do Concello incluso as que ela mesma aproba”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
