A portavoz popular de Xuventude, Nicole Grueira, asegura que “apoiar ao gandeiro é apoiar a quen nos dá de comer, a quen coida do territorio e mantén vivo o sector e a nosa identidade” e, con esta liña de axudas, “Galicia volve demostrar que aposta polo sector gandeiro”
Lugo, 26 de xuño de 2025. Os mozos e mozas que queiran incorporarse ao agro ou mellorar as súas explotacións dispoñen dun prazo dun mes a partir deste xoves 26 de xuño para solicitar as axudas convocadas pola Consellería de Medio Rural cun orzamento de 36M€. Cada explotación poderá beneficiarse de ata un máximo de 320.000€ no caso de solicitar ambas liñas.
Os deputados lucenses do Grupo Popular na Comisión 7ª de Agricultura, Alimentación, Gandería e Montes no Parlamento de Galicia Enrique Barreiro, Nicole Grueira e José Manuel Mato lembraron esta nova convocatoria de axudas durante unha visita á S. Coop. Lamaboa, a primeira cooperativa de Galicia, na parroquia de San Xoán do Campo (Lugo).
O deputado e portavoz popular de Gandería na Comisión 7ª, Enrique Barreiro, subliñou que “son uns apoios moi importantes que axudan a manter vivo o rural e asegurar unha remuda xeracional nas explotacións gandeiras galegas”. Así mesmo, defende que “axudan a manter o nivel de crecemento e profesionalizacións das nosas explotacións agrarias”.
“O apoio decidido do Goberno galego co noso rural queda claro con medidas reais apoiadas por fondos concretos” coma os 36M€ que dirixe a Consellería de Medio Rural ás axudas dirixidas aos plans de mellora en explotacións agrarias e á incorporación de mozos.
As subvencións que vén de convocar a Consellería de Medio Rural un ano máis, son “un gran apoio para moitos mozos e mozas que dan ese paso adiante e un gran incentivo para aqueles necesitan un empurrón”, segundo manifesta Nicole Grueira, deputada e voceira de Xuventude do Grupo Popular no Parlamento de Galicia.
Grueira sinala que “apoiar ao gandeiro é apoiar a quen nos dá de comer, a quen coida do territorio e mantén vivo o sector e a nosa identidade. Non hai futuro sen campo”. E, con esta liña de axudas, “Galicia volve demostrar que aposta polo sector gandeiro”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
